एभरेष्ट बैंकको एजीएम कात्तिक १२ गते, बुक क्लोज कहिले ?

काठमाण्डौ । एभरेष्ट बैंक लिमीटेडले साधारणसभा प्रयोजनका लागि बुक क्लोजको मिति तोकेको छ ।  

बैंकले आगामी कात्तिक १२ गते बुधबारका दिन काठमाण्डौको भाटभटेनीस्थित आम्रपाली ब्यांक्वेटमा आफ्नो ३१ औं वार्षिक साधारणसभा समेत आह्वान गरेको छ । 

सोही प्रयोजनका लागि असोज २४ गते बुक क्लोजको मिति तोकिएको छ ।  

सो सभामा सहभागी बन्न तथा बैंकको सञ्चालक समितिले यसअघि घोषणा गरेको लाभांश पाउन चाहनेले असोज २४ गतेभन्दा अगाडि नै बैंकको सेयर खरीद गरी सेयरधनी कायम भइसक्नुपर्नेछ ।  

साधारणसभामा बंैकको हाल कायम चुक्तापूँजीको १४ प्रतिशत नगद लाभांश र ६ प्रतिशत बोनस सेयर गरी कुल २० प्रतिशत लाभांश वितरणको प्रस्ताव पेश हुनेछ । 

साधारणसभामा सञ्चालक समितिका अध्यक्षको प्रतिवेदन, लेखापरीक्षकको प्रतिवेदन पेश भई छलफलबाट पारित गर्ने कार्यसूची समेत रहेको छ ।