(2).gif)
.jpg)
.png)
काठमाण्डौ । काठमाण्डौबाट विभिन्न मार्ग भएर बाहिरिने सवारी साधनहरु एकतर्फी रुपमा सञ्चालनमा आएका छन् । काठमाण्डौ जिल्ला प्रशासन कार्यालयले एक सूचना जारी गर्दै यस्तो जानकारी दिएको हो ।
विगत २ दिन देखि परेको अविरल वर्षाका कारण काठमाण्डौबाट पृथ्वी राजमार्ग हुँदै बाहिरिने सवारी साधनहरु, काठमाण्डौबाट नुवाकोट तर्फ जाने सवारी साधनहरु र काठमाण्डौ दक्षिणकाली हुँदै हेटौडा तर्फ जाने सवारी साधनहरुलाई पूर्णरुपमा बन्द गरिएको थियो । तर हाल मौसममा क्रमिक सुधार हुँदै गएकोले धादिङ, नुवाकोट र काठमाण्डौ दक्षिणकाली सडक खण्डका पहिरोहरु पन्छाएर सडक सूचारु गर्ने कार्य द्रुतगतिमा भईरहेको कार्यालयले जनाएको छ।
(2).gif)
.gif)
(1).gif)
अहिले विभिन्न ठाँउहरुमा पहिरो पन्छाई एकतर्फीरुपमा सवारी संचालनको लागि आवश्यक तयारीको कार्य भईरहेको भन्ने सूचना धादिङ, चितवन, मकवानपुर र नुवाकोट समेतका जिल्ला प्रशासन कार्यालयहरुबाट प्राप्त हुन आएकोले यसै सूचनाको आधारमा सडकमा यात्रुहरुको चापलाई समेत मध्यनजर गरी उक्त सडकहरुमा आवागमन एकतर्फी रुपमा खुला गरिएको सूचनामा उल्लेख छ ।
सवारी चलाउँदा सडकमा खटिएका सुरक्षाकर्मीको निर्देशन एवं ट्राफिक ईसारा, संकेत र सूचनालाई गम्भिरतापूर्वक लिई सावधानीका साथ सवारी चलाउन आग्रह गरिएको छ ।
.gif)
(1).gif)
.png)
