.gif)
(1).gif)
(3).gif)
.png)
.gif)
.png)
काठमाण्डौ । अमेरिकी राष्ट्रपति डोनाल्ड ट्रम्पले इजरायल र हमास दुवैले अमेरिकी गाजा शान्ति योजनाको पहिलो चरणमा हस्ताक्षर गरेको घोषणा गरेका छन् ।
ट्रुथ सोशलमा ट्रम्पले पोस्ट गरेका छन्, ‘यसको अर्थ सबै बन्धकहरूलाई छिट्टै रिहा गरिनेछ र इजरायलले तोकिएको सीमामा आफ्ना सेना फिर्ता गर्नेछ। यो बलियो, स्थिर र दिगो शान्तितर्फको पहिलो कदम हुनेछ। सबै पक्षहरूलाई निष्पक्ष रूपमा व्यवहार गरिनेछ।’
ट्रम्पले लेखेका छन्, ‘यो अमेरिका, अरब र मुस्लिम संसार, इजरायल र यसका सबै छिमेकीहरूका लागि महत्त्वपूर्ण र ऐतिहासिक दिन हो।’
यस विषयमा मध्यस्थता गरेकोमा अमेरिकी राष्ट्रपतिले कतार, इजिप्ट र टर्कीलाई धन्यवाद दिएका छन् । संयुक्त राष्ट्रका महासचिव एन्टोनियो गुटेरेसले गाजामा युद्धविरामको घोषणा र बन्धकहरूलाई रिहा गर्ने सम्झौताको स्वागत गरेका छन् ।
एन्टोनियो गुटेरेसले ट्वीटरमा लेखेका छन्, ‘यो सम्भव भएको संयुक्त राज्य अमेरिका, कतार, इजिप्ट र टर्कीका कूटनीतिक प्रयासहरूको म प्रशंसा गर्दछु। म सम्बन्धित सबै पक्षहरूलाई सम्झौताका सर्तहरूको पूर्ण पालना गर्न आह्वान गर्दछु।’ गाजामा तत्काल मानवीय सहायताका लागि अपिल गर्दै उनले यो सम्झौता कार्यान्वयन गर्न संयुक्त राष्ट्र संघले पूर्ण सहयोग गर्ने बताए ।
(1).gif)
(2).gif)
.png)
.gif)
.jpg)
.jpg)
.png)
