गरिमा विकास बैंकद्वारा लाभांश घोषणा: बोनस र नगद कति ?

काठमाण्डौ । गरिमा विकास बैंकले लाभांश घोषणा गरेको छ ।  

बैंकको असोज २७ गते सोमबार दिउँसो ३ः३० बजेको सञ्चालक समितिको ३३४ औं बैठकले आर्थिक वर्ष २०८१/८२ का लागि लाभांश घोषणा गरेको हो । 

जसअनुसार आर्थिक वर्ष २०८१/८२ को अन्त्यमा कायम रहेको सञ्चित मुनाफाबाट सेयरधनीलाई हाल कायम चुक्तापूँजीको ६ प्रतिशत बोनस सेयर र  ४.५३ प्रतिशत नगद लाभांश(करसहित) वितरण गर्ने निर्णय भएको हो ।  

प्रस्तावित लाभांश नेपाल राष्ट्रबैंकबाट स्वीकृत भई बैंकको आगामी वार्षिक साधारणसभाबाट पारित भएपछि सेयरधनीले पाउनेछन् । 

हाल बैंकको चुक्तापूँजी ५ अर्ब ६८ करोड ५ लाख १७ हजार ३२७ रुपैयाँ रहेको छ । प्रस्ताव गरिएअनुसार बोनस सेयर वितरणपछि बैंकको चुक्तापूँजी बढेर ६ अर्ब २ करोड १३ लाख ४८ हजार ३६७ रुपैयाँको उचाईमा पुग्नेछ ।