पेट्रोलियमको मूल्य फेरि बढ्यो, पेट्रोल १६१ र डिजेल १४७ पुग्यो

काठमाण्डौ । नेपाल आयल निगमले इन्धनका मूल्य समायोजन गर्दै पेट्रोल र डिजेल दुवैको दर बढाउने निर्णय गरेको छ।

शनिबार राति भएको समायोजनपछि उपभोक्ताले अब पेट्रोलका लागि प्रतिलिटर २ रुपैयाँ र डिजेलका लागि ३ रुपैयाँ थप तिर्नुपर्ने भएको छ।

नयाँ दर लागू भएपछि पेट्रोलको खुद्रा मूल्य प्रतिलिटर १६१ रुपैयाँ पुगेको छ भने डिजेल १४७ रुपैयाँमा निर्धारण गरिएको निगमले जनाएको छ। संशोधित मूल्य कात्तिक ३० गते बिहान १ बजेदेखि लागू हुनेछ।