(3).gif)
(2).gif)
.png)
काठमाण्डौ । अमेरिकाको विद्युतीय कार(ईभी)निर्माता कम्पनी फिस्कर टाट पल्टने संघारमा पुगेको छ । खराब व्यवसायका कारण कम्पनीको उत्पादन बन्द भएको छ ।
यसको प्रत्यक्ष प्रभाव कम्पनीको सेयरमूल्यमा परेको छ । कम्पनीको सेयरमूल्य प्रतिकित्ता २ सेन्टमा झरेको छ । यसअघि सन् २०२१ मा कम्पनीको सेयरमूल्य प्रतिकित्ता २८.५० डलरको उचाईमा पुगेको थियो ।
उत्पादन बन्द भएपनि कम्पनीले कार बिक्री गर्न भने छाडेको छैन । कम्पनीले एसयुभी कार बिक्रीमा राखेको छ । कम्पनीले आफ्नो ओसियन एसयुभीको मूल्य ३९ प्रतिशतले कटौती गरेको छ । तर यो कारले अटो समीक्षकहरुबाट प्रशंसाभन्दा पनि धेरै आलोचना पाएको छ । कम्पनीले ओसियन एक्सट्रिमको मूल्य ६२ हजार ५ सय डलरबाट झारेर ३७ हजार ५ सय डलर कायम गरेको छ ।
यस्तै कम्पनीले अर्को मोडल स्पोर्ट ट्रिमको मूल्य पनि ३९ हजार डलरबाट २५ हजार डलरमा झारेको छ ।
(2).gif)
.gif)
फिस्करले मूल्य कटौतीलाई बिक्री बढाउने नीतिभन्दा पनि नयाँ रणनीतिक चालका रुपमा व्याख्या गरेको छ ।
कम्पनीका कारले धेरै नै खराब प्रतिक्रियाहरु पाएका छन् । ओसियन कारको रिभ्यु गर्दै अमेरिकी युटुबर मार्क्युज ब्राउनलीले यो कार रिभ्यु गरेको मध्ये अहिले सम्मकै सबैभन्दा खराब भएको बताएका छन् ।
उनले भिडियोमा यो कार खरिद नगर्न भन्दै प्रतिक्रिया जनाएका छन् । ४० लाख ८० हजारले हेरेको यो भिडियो रिलजि भएपछि फिस्करको सेयरमूल्य ओरालो लाग्न सुरु भएको हो ।
फिस्कर सन् २०१६ मा डेनमार्कका अटो डिजाइनर हेनरिक फिस्करले स्थापना गरेको कम्पनी हो । सन् २०२३ को अन्त्यसम्म कम्पनीले अमेरिका र युरोपका १२ वटा डिलरसँग सम्झौता गरेको थियो ।
मार्च महिनाको सुरुवातमा दैनिक कार्य सञ्चालनका लागि कम्पनीसँग पैसाको अभाव हुनसक्ने खबर बाहिरिएको थियो । कम्पनीको एययुभी कन्ट्राक्ट म्यानुफ्याक्चरिङ कम्पनी म्याग्ना स्टियरले अष्ट्रियामा उत्पादन गर्ने गर्छ । गत वर्ष म्याग्नाले फिस्करको १० हजार १९३ युनिट एसयुभी उत्पादन गरेको थियो । तर यो मध्ये आधिभन्दा कम मात्रै ग्राहकहरुलाई डेलिभर गरिएको थियो । -एजेन्सी
(1).gif)
.gif)
.gif)
(1).gif)
(2).gif)
.png)
.jpg)
(2).gif)
(2).gif)