डोलप्रसाद अर्याल निर्विरोध सभामुख चयन

काठमाण्डौ । प्रतिनिधिसभा बैठकले आज डोलप्रसाद अर्याललाई निर्विरोध रूपमा सभामुख चयन गरेको छ । सिंहदरबारस्थित संघीय संसद भवनको बहुउद्देश्यीय हलमा बसेको बैठकमा, प्रतिनिधिसभाका ज्येष्ठ सदस्य अर्जुननरसिंह केसी ले अर्यालको निर्वाचित घोषणा गरेका हुन्।  

अर्यालको प्रस्तावक रवि लामिछाने थिए भने, समर्थनमा कानुन, न्याय तथा संसदीय मामिला मन्त्री सोविता गौतम, अर्थ मन्त्री स्वर्णिम वाग्ले, र पार्टी महामन्त्री सुनील लम्साल उपस्थित थिए।

शनिबारको मनोनयन दर्तामा अर्याल एकल उम्मेदवार रहेकाले आजको निर्वाचन निर्विरोध रह्यो। निर्वाचित सभामुखले आजै राष्ट्रपति रामचन्द्र पौडेल सामु पद तथा गोपनीयताको सपथ ग्रहण गर्ने कार्यक्रम तय छ।