अन्तिम समयमा धोका पाएर गभर्नर बन्न नपाएका डा. गुणाकर बने योजना आयोगको उपाध्यक्ष

काठमाण्डौ । अन्तिम समयमा नेपाल राष्ट्र बैंकको गभर्नर नबनाइएका डा. गुणाकर भट्टलाई बालेन्द्र शाह नेतृत्वको सरकारले राष्ट्रिय योजना आयोगको उपाध्यक्ष नियुक्त गरेको छ ।  

मंगलबार बसेको मन्त्रिपरिषद बैठकले नेपाल राष्ट्र बैंकको गभर्नर बन्ने दौडमा अगाडि भए पनि अन्तिम समयमा षड्यन्त्रको कोपभाजनमा परी लखेटिएका डा. भट्टलाई योजना आयोगको उपाध्यक्ष बनाउने निर्णय गरेको हो । 

उनले केपी ओली नेृतत्वको सरकारको पालामा तत्कालीन कांग्रेस सभापति शेरबहादुर देउवाको जोडबलमा राष्ट्र बैंकको गभर्नर बनाउने प्रयास भएको थियो । गभर्नरकै लागि कार्यकारी निर्देशक पदबाट राजीनामा दिए पनि अन्तिममा उनीमाथि धोका भएको थियो । उनलाई पन्छाएर डा. विश्वनाथ पौडेल गभर्नर बनेका थिए ।