च्यामासिंह नाला–बनेपा सडक खण्ड बन्द हुने

काठमाण्डौ । भक्तपुरको च्यामासिंह नाला–बनेपा सडक खण्ड बन्द हुने भएको छ । उक्त खडक खण्ड आज बेलुका ८ बजेदेखि भोलि बिहीबार बिहान ८ बजेसम्म पूर्ण रुपमा बन्द हुनेछ ।

सडक डिभिजन भक्तपुरले एक सूचना जारी गर्दै यसबारे जानकारी दिएको हो । उक्त खडकखण्डको नन्दिमाता खोलामा कल्भर्ट निर्माण भईरहेको हुँदा खडक बन्द गर्न लागिएको हो ।

कार्यालयले वैकल्पिक मार्ग प्रयोग गर्न समेत आग्रह गरेको छ । यसबाट यात्रुहरुलाई पर्न गएको असुविधाप्रति कार्यालयले क्षमाप्राथि मागेको छ ।