राष्ट्रपतिले जारी गरे सम्पत्ति शुद्धीकरण संशोधन अध्यादेश

काठमाण्डौ । राष्ट्रपति रामचन्द्र पौडेलले सम्पत्ति शुद्धीकरण नियन्त्रणसँग सम्बन्धित नयाँ अध्यादेश जारी गरेका छन्।  

राष्ट्रपति कार्यालयका प्रवक्ता रितेशकुमार शाक्यका अनुसार मन्त्रिपरिषद्को सिफारिसमा आएको सम्पत्ति शुद्धीकरण (मनी लाउण्डरिङ) निवारण (तेस्रो संशोधन) अध्यादेश-०८३ राष्ट्रपतिबाट स्वीकृत भई जारी गरिएको हो।

सरकारले यसअघि नै विभिन्न ८ वटा अध्यादेश राष्ट्रपतिको कार्यालयमा पठाइसकेको छ। तीमध्ये सहकारी र सार्वजनिक खरिदसम्बन्धी अध्यादेश भने पहिले नै जारी भइसकेका छन् भने बाँकी अध्यादेशहरू अध्ययनको क्रममा रहेका छन्।

यसैबीच, केही संवेदनशील अध्यादेश(विशेषगरी संवैधानिक परिषद्सम्बन्धी) विषयमा राष्ट्रपति पौडेलले बिहीबार कानुनविद्हरूसँग परामर्शसमेत गरेका थिए।