वर्षाका कारण अवरुद्ध वीपी राजमार्ग पुनः सञ्चालनमा

काठमाण्डौं । लगातारको वर्षाका कारण अवरुद्ध भएको वीपी राजमार्ग पुनः सञ्चालनमा आएको छ।  

काभ्रेका सूचना अधिकारी प्रहरी नायब उपरीक्षक रविन विष्टका अनुसार मर्मत कार्य सम्पन्न भएपछि बिहीबार बिहान ८्:३० बजेदेखि राजमार्गमा यातायात सञ्चालनमा आएको हो।

केही दिनदेखि परेको भारी वर्षाले भकुण्डेदेखि नेपालथोकसम्मको सडक खण्डमा राखिएका अस्थायी डाइभर्सन बगाएपछि यातायात पूर्ण रूपमा रोकिएको थियो।

असोज २०८१ मा रोशी खोलामा आएको बाढीका कारण कटुन्जेबेसी–नेपालथोक सडक खण्ड गम्भीर रूपमा क्षतिग्रस्त बनेको थियो। 

त्यसपछि अस्थायी डाइभर्सन निर्माण गरी यातायात सञ्चालन हुँदै आएको थियो।  

तर, पछिल्लो वर्षाले ती डाइभर्सन समेत बगाएपछि सडक पुनः अवरुद्ध भएको थियो।

जिल्ला प्रशासन कार्यालय काभ्रेले यसबीच सुरक्षाका कारण रातिको समयमा यातायात सञ्चालनमा रोक लगाउँदै दैनिक १२ घण्टा ९बेलुका ५ बजेदेखि बिहान ५ बजेसम्म० आवागमन निषेध गरेको सूचना जारी गरेको छ।

हाल सडक पुनः सञ्चालनमा आए पनि जोखिमयुक्त खण्डमा सतर्कताका साथ मात्र यात्रा गर्न प्रशासनले अनुरोध गरेको छ।