बस्ती हटाउँदा २ हजार ६८७ घरटहरा भत्काइयो, १५ हजारभन्दा बढी नागरिक प्रभावित

काठमाण्डौं । काठमाडौं उपत्यकाका विभिन्न स्थानमा रहेका १९ वटा सुकुम्बासी बस्ती हटाइएको छ ।  

जिल्ला प्रशासन कार्यालयले सञ्चालन गरेको बस्ती व्यवस्थापन अभियानअन्तर्गत २ हजार ६८७ घरटहरा हटाइएको जनाएको छ ।

प्रशासनका अनुसार भत्काइएका संरचनामध्ये ८९० पक्की र १ हजार ७९७ कच्ची घरटहरा रहेका छन् ।

बस्ती हटाउने अभियानका कारण १५ हजार ३१६ जना प्रभावित भएका छन् ।  

 

प्रभावितमध्ये ६ हजार ८५८ पुरुष, ५ हजार ३२५ महिला, १ हजार ४३७ बालक र १ हजार ६९६ बालिका रहेका तथ्यांकमा उल्लेख छ ।

जिल्ला प्रशासन कार्यालयका अनुसार उपत्यकाभित्रका विभिन्न क्षेत्रमा फैलिएका सुकुम्बासी बस्ती हटाउने काम चरणबद्ध रूपमा अघि बढाइएको हो ।