(1).gif)
(2).gif)
.png)
काठमाण्डौं । भारतीय राज्य पश्चिम बंगालमा भारतीय जनता पार्टी (भाजपा) ले पहिलोपटक सरकार गठन गर्दै ऐतिहासिक उपलब्धि हासिल गरेको छ ।
हालै सम्पन्न विधानसभा चुनावमा बहुमत सुनिश्चित गरेपछि पार्टीले औपचारिक रूपमा सत्ता सम्हालेको हो ।
(2).gif)
.gif)
(1).gif)
शनिबार शुभेन्दू अधिकारीले पश्चिम बंगालको पहिलो भाजपा मुख्यमन्त्रीका रूपमा शपथ लिएका छन् ।
उनले पद तथा गोपनीयताको शपथ बंगाली भाषामा ग्रहण गरेका थिए ।
शपथपछि उनले भारतका प्रधानमन्त्री नरेन्द्र मोदी लाई अभिवादन गरेको दृश्य सार्वजनिक भएको छ ।
मुख्यमन्त्री अधिकारीसँगै राज्यपाल आर।एन। रवि ले पाँच जना विधायकलाई मन्त्रीका रूपमा शपथ गराएका छन् ।
मन्त्रीहरूमा दिलीप घोष, अग्निमित्र पल, अशोक कीर्तनिया, खुदिराम टुडू र निसिथ प्रमाणिक रहेका छन् ।
.gif)
(1).gif)
शपथ ग्रहण समारोहमा प्रधानमन्त्री मोदीसँगै गृहमन्त्री अमित शाह तथा भारतीय जनता पार्टी र एनडीए शासित राज्यका करिब २० जना मुख्यमन्त्रीहरूको उपस्थिति रहेको थियो ।
निर्वाचन परिणामअनुसार २९४ सिटमध्ये भाजपाले २०७ सिट जित्दै स्पष्ट बहुमत हासिल गरेको हो ।
लामो समयदेखि सत्तामा रहेको तृणमूल कंग्रेस (टीएमसी) भने यसपटक ८० सिटमा खुम्चिएको छ ।
यससँगै ममता बनर्जीको करिब १५ वर्ष लामो शासन अन्त्य भएको बताइएको छ ।
एजेन्सी
.png)
.jpg)
