शनिबार, असार १४,२०८२ 01:04:28
  • शनिबार, असार १४,२०८२ 01:04:28
Global IME Bank Limited

यी हुन् विश्वका सुन खपत गर्ने शीर्ष ५ देश, चीन एक्लैले खपत गर्छ ९८४ मेट्रिक टन !

Hyundai Nepal
यी हुन् विश्वका सुन खपत गर्ने शीर्ष ५ देश, चीन एक्लैले खपत गर्छ ९८४ मेट्रिक टन !
Nabil Bank Limited

काठमाण्डौ । बहुमूल्य पहेँलो धातु सुनलाई लगानीको ‘सेफ हेभन’ का रुपमा लिइन्छ । सुनका गर–गहनाले विश्वका विभिन्न संस्कृतिमा विशेष महत्व राख्ने गर्छन् ।  

विश्वमा विशेष गरेर गर–गहनाका लागि सुनको माग सर्वाधिक हुने गरेको छ । यस्तै खुद्रा लगानी(बार र सिक्का), सरकारको आर्थिक आवश्यकता(सुन भण्डारण) र औद्योगिक निर्माणका लागि समेत सुनको माग हुने गर्छ ।  

 

CG Motors
Muktinath Bikas Bank Limited

आर्थिक संकट र राजनीतिक अस्थिरताका बीच पनि सुनले आफ्नो मूल्य जोगाई राख्ने भएकाले यसप्रति लगानीकर्ताको आकर्षण बढी देखिन्छ ।  

सन् २००९ को विश्व आर्थिक संकटपछि विश्वका केन्द्रीय बैंकहरुले सुनको भण्डारण वृद्धि गरेका छन् । यसअघि भने विश्वका बैंकहरुले सुनको भण्डारमा कटौति गरिरहेका  थिए । उदाहरणका लागि बेलायतको केन्द्रीय बैंकले ठूलो मात्रामा सुन बिक्री गरेको थियो ।  

युएस गोल्ड ब्युरोका अनुसार चीन, भारत र थाइल्याण्ड,संयुक्त अरब इमिरेट्स र अमेरिका विश्वका शीर्ष ५ सुन खपत गर्ने देशहरु हुन् ।  

गोल्ड ब्यूरोका अनुसार चीन विश्वको सबैभन्दा ठूलो सुन खरिदकर्ता देश हो । चीनको संस्कृतिमा सुनको विशेष महत्व भएकाले त्यहाँ यसको खपत बढी हुने गरेको बताइएको छ । यसका साथै चिनीया नागरिकहरुले सुनमाथिको लगानीलाई सुरक्षित मान्ने गर्छन ।  

चीनले वार्षिक रुपमा ९८४ मेट्रिक टन सुन खपत गर्ने गरेको छ । जुन कुल आयातको दुई तिहाई हुन आउँछ ।  

सुन खपत गर्नेमा भारत दोस्रो स्थानमा छ । भारतमा सुनको माइनिङ कम हुन्छ । त्यसैले भारत सुनको माग पुरा गर्न आयातमा धेरै निर्भर हुने गरेको छ ।  

तेस्रो स्थानमा थाइल्याण्ड छ । गत वर्षको तेस्रो त्रैमासमा थाइल्याण्डमा सुनको माग ७ प्रतिशतले वृद्धि भएको छ । गोल्ड ब्युरोका अनुसार यस देशले वार्षिक ९० मेट्रिक टन सुन खपत गर्छ । यसमध्ये अधिकांश हिस्सा गर–गहनाका लागि प्रयोग गरिन्छ ।  

संयक्त अरब इमिरेट्स(युएई) चौथो स्थानमा रहेको छ । कोरोना महामारीपश्चात युएईको सुन खपत ३२० प्रतिशतले वृद्धि भएको थियो । तर अहिले यसमा गिरावट आएको छ । पछिल्लो त्रैमाससम्म युएईको सुनको खपत १५ प्रतिशतले घटेको छ ।  

अमेरिका सबैभन्दा धेरै सुन खपत गर्ने विश्वको पाचौं ठूलो देश हो । सन् २०२२ मा अमेरिकाको सुनको खपतमा १८ प्रतिशतको उछाल आएको थियो ।  

विश्वको तथ्यांक राख्ने स्टाटिकाका अनुसार सन् २०२२ मा विश्वमा २ हजार ८६ टन सुनको माग भएको थियो ।  -एजेन्सी

 

Nepal Investment Mega Bank Limited
Shivam Cement
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.