(1).gif)
(2).gif)
.png)
काठमाण्डौं । राष्ट्रिय स्वतन्त्र पार्टी (रास्वपा) बारा जिल्लाको विस्तारित बैठक आन्तरिक मतभेदका कारण तनावपूर्ण बनेको छ ।
संगठन सञ्चालन र निर्णय प्रक्रियालाई लिएर देखिएको असहमति अन्ततः विवादमा रूपान्तरण हुँदा केही प्रतिनिधिसभा सदस्यहरू बैठकस्थल छाड्न बाध्य भएको घटनाले पार्टीभित्रको असन्तुलन उजागर गरेको छ ।
(2).gif)
.gif)
(1).gif)
कलैयामा शनिबार आयोजित बैठकमा बारा क्षेत्रका प्रतिनिधिसभा सदस्यहरू रहबर अन्सारी, अरबिन्द साह, गणेश धिमाल र चन्दन सिंह सहभागी थिए ।
बैठकमा संगठन सुदृढीकरण, नेतृत्व समन्वय र स्थानीय संरचनाको निर्णय प्रक्रियाबारे छलफल भइरहँदा दुई पक्षबीच मतभेद बढेको सहभागीहरूले बताएका छन् ।
केही नेताहरूले संस्थापन पक्षको कार्यशैली र निर्णय प्रक्रियाप्रति असन्तुष्टि जनाउँदै प्रश्न उठाएपछि बैठकमा बहस तीव्र बनेको थियो ।
त्यसपछि अवस्था नियन्त्रणबाहिर जाने संकेत देखिएपछि कार्यकर्ताहरूबीच पनि चर्को भनाभन भएको बताइएको छ ।
विवाद चुलिँदै गएपछि केही प्रतिनिधिसभा सदस्यहरूलाई बैठकस्थलबाट बाहिर जान आग्रह गरिएको र त्यसक्रममा धकेलाधकेलको अवस्था बनेको सहभागीहरूले बताएका छन् ।
.gif)
(1).gif)
स्थिति असहज बन्दै गएपछि सुरक्षाका लागि प्रहरी परिचालन गरिएको थियो र सांसदहरूलाई सुरक्षित रूपमा बाहिर निकालिएको जनाइएको छ ।
यता केही सहभागीहरूले भने घटनालाई अतिरञ्जित रूपमा प्रस्तुत गरिएको दाबी गर्दै आन्तरिक छलफलको क्रममा सामान्य असहमति मात्र भएको बताएका छन् ।
उनीहरूका अनुसार संगठनभित्रका मतभेद संवादमार्फत समाधान गर्नुपर्ने पक्षमा अधिकांश सदस्यहरू छन् ।
यसअघि संस्थापक जिल्ला अध्यक्ष चन्दन स्वर्णकारको सदस्यता खारेज भएपछि रास्वपा बारा जिल्लामा नेतृत्व र संगठनात्मक संरचनाबारे विवाद चर्किँदै गएको थियो ।
पछिल्लो घटनाले त्यो असन्तुष्टि अझ स्पष्ट रूपमा सतहमा आएको देखिएको छ ।
.png)
.jpg)
