जगदम्बा मोटर्सद्वारा नेपालमा रोनिन मोनोतोन र एगोन्डा भेरियन्टहरू सार्वजनिक

काठमाण्डौ । दुई र तीन पाङ्ग्रे सवारी साधनको अग्रणी विश्वव्यापी निर्माता TVS मोटर कम्पनीले नेपालका लागि आफ्नो आधिकारिक राष्ट्रिय वितरक जगदम्बा मोटर्स प्रालि मार्फत आज नयाँ TVS रोनिन मोनोटोन (Monotone) र TVS रोनिन एगोन्डा ( Agonda ) सार्वजनिक गर्दै नेपालमा आफ्नो प्रिमियम मोटरसाइकल पोर्टफोलियोलाई थप मजबुत बनाएको छ । काठमाण्डौको ठमेलस्थित क्लब नोभामा आयोजित एक साङ्गीतिक कार्यक्रमका बीच अनावरण गरिएका यी नयाँ भेरियन्टहरूले TVS रोनिन लाइनअपमा बोल्ड स्टाइलिङ, विशिष्ट आधुनिक रेट्रो चरित्र र नेपालको द्रुत गतिमा बढिरहेको प्रिमियम मोटरसाइकल खण्डमा बलियो आकर्षण थप गरेका छन्। 

TVS रोनिन मोनोतोन लाइटनिङ ब्ल्याक (Lightning Black) र म्याग्मा रेड (Magma Red) रङ्गहरूमा उपलब्ध हुनेछ जसको मूल्य ४,२९,९०० (एक्स-शोरूम, नेपाल) तोकिएको छ भने TVS रोनिन एगोन्डा पर्ल ह्वाइट (Pearl White) रङ्गमा ४,३९,९०० (एक्स-शोरूम, नेपाल) मा उपलब्ध हुनेछ । 

एगोन्डा (Agonda): भारतको गोवाको प्रसिद्ध एगोन्डा बीचको घाम, बालुवा र आत्माबाट प्रेरित यो भेरियन्ट धेरै अनुकूलित (custom-inspired) TVS रोनिन मोटरसाइकलहरू मध्ये पहिलो हो। यसले आधुनिक-रेट्रो प्लेटफर्म कति बहुमुखी हुन सक्छ भन्ने देखाउँछ । यसको चम्किलो सेतो आधारले एगोन्डा बीचको बालुवालाई प्रतिनिधित्व गर्दछ, जुन फ्युल ट्याङ्की र हेडलाइट कभरसम्म फैलिएको छ ।

एगोन्डा संस्करणमा आइकोनिक अल-एलईडी (LED) टी-फेस हेडल्याम्पको वरिपरि सेतो हेडल्याम्प काउल रहेको छ। फ्युल ट्याङ्कीमा निलो र रातो रेट्रो पिनस्ट्राइपहरू छन्, जसले विशेष कालो TVS स्टालियन (घोडाको) लोगोका साथ उत्कृष्ट ट्रिपल-टोन संयोजन परा गर्दछ । यो सहरमा सबैको ध्यानाकर्षण गर्न पर्याप्त आकर्षक छ । 

आधुनिक-रेट्रो स्टाइलिङलाई उन्नत इन्जिनियरिङसँग जोड्दै, TVS रोनिनमा परिष्कृत २२५. ९ सीसी (cc) इन्जिन प्रयोग गरिएको छ जसले ७, ७५० RPM मा २०.४PS पावर र ३, ७५० RPM मा १९.९३ Nm टर्क प्रदान गर्दछ। 

बहुमुखी सवारी अनुभवका लागि निर्मित यस मोटरसाइकलमा कम गतिमा पनि सहज सवारीका लागि 'ग्लाइड थ्रु टेक्नोलोजी' (GTT), सहज गियर परिवर्तनका लागि 'असिस्ट एण्ड स्लिपर क्लच' (Assist and Slipper Clutch), र उत्कृष्ट ह्यान्डलिङ र आरामका लागि ४१ एमएमको 'अपसाइड डाउन' (USD) फ्रन्ट फोर्कहरू रहेका छन्। 

TVS रोनिनले #Unscripted मोटरसाइकलिङको भावनालाई प्रतिनिधित्व गर्दछ, जसले शैली, व्यक्तित्व र आधुनिक क्रुजिङको विशिष्ट मिश्रण प्रदान गर्दछ ।