.gif)
_(1).gif)
.jpg)
.png)
काठमाण्डौ । एप्पलले चीनमा आफ्नो एपस्टोरबाट मेटा कम्पनीका दुईवटा एप्स हटाएको छ । कम्पनीले एपस्टोरबाट ह्वाट्स् एप र थ्रेड्स हटाएको हो ।
यी एपहरु चीन सरकारको निर्देशनअनुसार हटाइएको एप्पलले जनाएको छ । चीन सरकारले सुरक्षाका कारण देखाउँदै यी एपहरु हटाउन निर्देशन दिएको थियो । तर एप्पल एपस्टोरमा फेसबुक,इन्स्टाग्राक र मेसेन्जरजस्ता एपहरु भने अझै पनि उपलब्ध छन् । यसका साथै चीनमा युटुब र एक्सपनि उपलब्ध छन् ।
ह्वाट्स एप र थ्रेड्सका कारण चीनमा कस्ता खाले सुरक्षा जोखिम बढ्यो भन्नेबारे चाहि केहि पनि खुलाइएको छैन । रोयटर्सको रिपोर्टका अनुसार एप्पलले विज्ञप्तीमा उल्लेख गरेको छ,‘चीनको साइबर स्पेस एजेन्सी एडमिनिस्ट्रसनले यी एपहरुलाई हटाउन आदेश दिएको छ । केहि असहमति भएपनि हामी जुन देशमा काम गछौं,त्यहाँको नियमहरु पालना गर्नुपर्ने हुन्छ ।’
ह्वाट्स एप र थ्रेड्स अन्य देशमा भने उपलब्ध हुने एप्पले स्पष्ट पारेको छ । केहि विज्ञहरुले ह्वाट्स एप र थ्रेडमाथि गरिएको यो कारवाही चीन सरकारको केहि नयाँ नियाहरुका कारण गरिएको हो ।
नयाँ नियमअनुसार सबै एप्सहरुले चीनमा दर्ता गर्नुपर्ने हुन्छ । यो रजिष्ट्रशनको अन्तिम मिति मार्चमा समाप्त भएको थियो र अप्रिल १ गतेदेखि नयाँ नियम लागू भएको छ । चीनले यस्तो कारवाही गरेको यो पहिलोपटक भने होइन । पहिले पनि एप्पलले चीनमा कयौं एप्सहरु हटाएको थियो ।
सन् २०१७ मा एप्पलले ‘न्यूयोर्क टाइम्स’को न्यूज एप हटाएको थियो । न्यूयोर्क टाइम्सले चीनको नियम उल्लंघन गरेको भन्दै एप्पलले उक्त एप आफ्नो एपस्टोरबाट हटाएको थियो । गत वर्ष पनि कम्पनीले च्याटजीपीटी जस्ता कयौं एपहरु एपस्टोरबाट हटाएको थियो । -एजेन्सी
.gif)
.png)
.jpg)
.jpg)
.gif)
.gif)
.gif)
