सुनको मूल्य ३ लाख मुनि आईपुग्यो, आज प्रतितोला कतिमा हुँदैछ कारोबार ?

काठमाण्डौ । सोमबार स्थानीय बजारमा सुनको मूल्य ३ लाख मुनि झरेको छ । आजको कारोबारमा ९ सय रुपैयाँले सस्तिएसँगै सुनको भाउ ३ लाख रुपैयाँ तल आईपुगेको हो ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ लाख ९९ हजार ९ सय रुपैयाँ कायम भएको छ ।

आइतबार पनि सुनको मूल्य घटेको थियो । उक्त दिन ८ हजार २ सय रुपैयाँले घट्दै सुनको भाउ प्रतितोला ३ लाख ८ सय रुपैयाँमा कारोबार भएको थियो ।

यस्तै आज १० ग्राम सुनको मूल्य २ लाख ५७ हजार ११५ रुपैयाँ कायम भएको छ ।

यो दिन चाँदीको भाउ भने बढेको छ । आज चाँदीको मूल्य १० रुपैयाँले बढ्दै प्रतितोला ४ हजार ९०५ रुपैयाँ कायम भएको छ ।

अन्तर्राष्ट्रिय बजारमा आएको गिरावटका कारण नेपाली बजारमा समेत सुनको भाउ घटेको हो । अन्तर्राष्ट्रिय बजारमा आज सुनको मूल्य ०.३८ प्रतिशत अर्थात १६ डलरले घट्दै प्रतिऔंस ४ हजार ३१३ डलरमा कारोबार भईरहेको छ ।