सुनको मूल्य आजपनि ५ हजारले घट्यो, प्रतितोला कतिमा झर्यो ?

काठमाण्डौ । पछिल्लो केही दिनदेखि स्थानीय बजारमा घटिरहेको सुनको भाउ आजपनि ओरालो लागेको छ । बिहिबार सुनको मूल्य ५ हजार १ सय रुपैयाँले घटेको छ ।

नेपाल सुनचाँदी व्यवसायी महासंघका अनुसार यो गिरावटसँगै आज सुनको मूल्य प्रतितोला २ लाख ८६ हजार ७ सय रुपैयाँ कायम भएको छ ।

अघिल्लो दिनपनि सुनको मूल्य १० हजार १ सय रुपैयाँले घटेको थियो । उक्त दिन एक तोला सुनको भाउ २ लाख ९१ हजार ८ सय रुपैयाँमा झरेको थियो ।

यस्तै आज १० ग्राम सुनको मूल्य २ लाख ४५ हजार ८ सय रुपैयाँ कायम भएको छ ।

उता चाँदीको मूल्यपनि आज ९० रुपैयाँले घटेको छ । अघिल्लो दिन प्रतितोला ४ हजार ७४० रुपैयाँमा कारोबार भएको चाँदी आज ४ हजार ६५० रुपैयाँमा कारोबार भईरहेको छ ।