.gif)
_(1).gif)
काठमाण्डौ । गरिमा विकास बैंक नेपालका १६ वटा विकास बैंकहरु मध्यको एक राष्ट्रिय स्तरको विकास बैंक हो । यो बैंक वि. सं २०६४ सालमा स्याङजा , पाल्पा र कास्की जिल्लालाई आधार बनाएर स्थापना भएको थियो । हाल उपत्यकामा २२ वटा शाखा सहित यो बैंकका देशभर १२३ वटा शाखा रहेका छन् । साथै ५१ वटा एटीएम र एउटा एक्सटेन्स काउण्टर पनि रहेको छ ।
आधारभूत पक्षः
यस आर्थिक वर्षको तेस्रो त्रैमासिक प्रतिबेदन अनुसार यो बैंकको चुक्तापूँजी ५ अर्ब ६८ करोड ५ लाखबराबर रहेको छ । बैंकको रिटेन्ड अर्निङ १ अर्ब २१ करोड रुपैयाँ रहेको छ ।
त्यसैगरि, बैंकको जगेडा कोषमा २ अर्व ६५ करोड ५८ लाख रुपैयाँ रहेको छ । बैंकको कुल पूँजी ८ अर्ब ४३ करोड रुपैयाँ रहेको छ । तेस्रो त्रैमासिक प्रतिबेदन अनुसार बैंकको खुद मुनाफा ६८ करोड ३४ लाख रुपैयाँ रहेकोमा वित्तरणयोग्य मुनाफा भने १० करोड २१ लाख रुपैयाँ मात्रै रहेको छ । बैंकको बुक भ्यालु १४८.५५ रुपैयाँ रहेको छ । बैंकको खराव कर्जा अनुपात २.९७ प्रतिशत रहेको छ ।
(1).gif)
प्राविधिक पक्षः
इलिअट वेभ
इलिअट वेभमा माथि लाग्ने ५ वेभमा पनि ३ वटा बढोत्तरीका र २ वटा सुधारका संकेत देख्न सकिन्छ । यसमा १, ३, ५ बढोत्तरीको हुन्छ भने २ र ४ भने करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत गर्छ ।
यस बैंकको करिब २ बर्ष सम्म चलेको सेयर मूल्यको चक्रलाई न्यून मुल्यबाट इलिअट वेभमार्फत नियाल्दा वेभ १ मा २६० देखि ३६० सम्म चलेको देखिन्छ ।
त्यसैगरि, वेभ २ मा करेक्सन भएर २८६ सम्म , वेभ ३ मा बढोत्तरीका साथ ३८० रुपैयाँ सम्म , वेभ ४ मा करेक्सन भएर ३२८ रुपैयाँ सम्म र वेभ ५ मा ४१० रुपैयाँ सम्म पुगेको देखिन्छ । त्यस पछि एबीसी करेक्सन हुँदै बैंकको सेयरमूल्य हाल प्रतिकित्ता ३६० रुपैयाँसम्म आएको देखिन्छ । यस आधारमा यो कम्पनीको सेयर भाउ केही समय यही मूल्यमा चलेर माथिको यात्रा तय गर्न सक्ने देखिन्छ ।
फियर एण्ड ग्रिड मिटर
फियर एण्ड ग्रिड मिटरको आधारमा यो बैंकको सेयरमूल्य हाल २५ को तहमा वियरिस सेन्टिमेन्टमा चलेको छ । यो भनेको यो बैंकको लगानीकर्ता डराएको भन्ने हो । बैंकको ५२ साताको उच्च मूल्य ४२४ रुपैयाँ रहेको छ । न्यून मूल्य ३४० रुपैयाँ रहेको छ भने हाल दोस्रो बजारमा अन्तिम मूल्य ३५७ रुपैयाँ रहेको छ । बैंकमा ५१ प्रतिशत सेयर संस्थापक समूह र ४९ प्रतिशत सेयर सर्वसाधारण समूहको छ । बैंकको १० वर्षको औषत लाभांशदर १६ प्रतिशत छ ।
बोलिङगर ब्याण्ड , म्याक्डी र आरएसआई
बोलिङगर ब्याण्डको आधारमा यो बैंकको मूल्य रेखा हाल तल्लो ब्याण्डमा चलेको छ । यसले बैंकको सेयर मूल्यमा बिक्री दबाब परेको देखिन्छ ।
त्यसैगरि, म्याक्डीमा वियरिस क्रसओभर बनेको छ । हिस्टोग्राम लामालामा हुँदै गएका छन् । आरएसआई हाल ४१ को तहमा चलेको छ । समग्रमा ३ वटै इन्डिकेटरबाट हेर्दा यस बैंकमा पनि बिक्री दबाब चलेको र केही समय अझै चल्न सक्ने देखिन्छ ।
पिभट विश्लेषणमा सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ –३८१
प्रतिरोध २ –३७६
प्रतिरोध १– ३६८
पिभट प्वइन्टः ३६३
घटेमा सपोर्ट
सपोर्ट १– ३५५
सपोर्ट २– ३५०
सपोर्ट ३ –३४२
निष्कर्षः आधारभूत रुपमा यो बैंकलाई नियाल्दा पछिल्लो वर्षमा रिर्टन अन इक्विटी १०.६८ प्रतिशत , र प्रतिसेयर आम्दानी ५.६३ प्रतिशतले घटेको देखिन्छ । बुक भ्यालुमा सामान्य प्रगति देखिन्छ भने खूद मूनाफामा पनि ४.८५ प्रतिशत बढोत्तरी आएको छ । खराब कर्जा सामान्य बढेको छ ।
त्यस्तै, वित्तरण योग्य मूनाफामा ४५ प्रतिशतले गिरावट आएको देखिन्छ । प्राविधिक रुपमा इलिअट वेभमा एबीसी करेक्सन चल्दै गरेको देखिन्छ । यद्यपी सेयरको मूल्य भने ३५० रुपैयाँ आसपास चल्न सक्ने देखिन्छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.gif)
(89).jpg)
.jpg)
(1).jpg)
.jpg)
.gif)
(1).gif)
.gif)
