(2).gif)
.png)
काठमाण्डौ । अमेरिकी सिनेटर लिन्जी ग्राहमको आकस्मिक निधनपछि इरानका सरकारनिकट तथा कट्टरपन्थी सञ्चारमाध्यमले अमेरिकी राष्ट्रपति डोनाल्ड ट्रम्प, इजरायली प्रधानमन्त्री बेन्जामिन नेतान्याहु र अन्य उच्च अधिकारीलाई लक्षित गर्दै चेतावनीपूर्ण सामग्री प्रकाशित गरेका छन्।
इरानी दैनिक ‘हामशहरी’ले ट्रम्प, नेतान्याहु, अमेरिकी रक्षामन्त्री पीट हेग्सेथलगायत अधिकारीको तस्बिर राख्दै ‘आकस्मिक मृत्युका लागि तयार हुनुहोस्’ भन्ने शीर्षक पहिलो पृष्ठमा प्रकाशित गरेको छ। उक्त सामग्रीमा ग्राहमको तस्बिरअगाडि ट्रम्प घुँडा टेकेको सांकेतिक चित्रसमेत राखिएको अन्तर्राष्ट्रिय सञ्चारमाध्यमले जनाएका छन्।
(2).gif)
.gif)
(1).gif)
अर्को कट्टरपन्थी पत्रिका ‘भातान–ए इमरोज’ले ग्राहमलाई ‘मृत्युका व्यापारी’को संज्ञा दिँदै उनको निधनलाई प्रमुख समाचार बनाएको छ। इरानी सरकारी सञ्चारमाध्यमका प्रस्तोताले समेत ग्राहमको निधनप्रति आपत्तिजनक र उत्सवमूलक प्रतिक्रिया दिएका छन्।
यद्यपि यी अभिव्यक्ति इरान सरकारको औपचारिक वक्तव्य नभई सरकारनिकट सञ्चारमाध्यममा प्रकाशित सामग्री हुन्। त्यसैले यसलाई इरानी सरकारको प्रत्यक्ष धम्की वा आधिकारिक चेतावनीका रूपमा व्याख्या गर्ने आधार अहिलेसम्म सार्वजनिक भएको छैन।
दक्षिण क्यारोलिनाबाट निर्वाचित रिपब्लिकन सिनेटर ग्राहमको जुलाई ११ को राति ७१ वर्षको उमेरमा निधन भएको थियो। प्रारम्भिक चिकित्सकीय विवरणअनुसार मुटुबाट शरीरमा रगत पुर्याउने मुख्य धमनी चिरिने ‘एओर्टिक डिसेक्सन’ उनको मृत्युको कारण थियो। यो समस्या धमनीसम्बन्धी दीर्घ रोगका कारण उत्पन्न भएको बताइएको छ। राष्ट्रपति ट्रम्पले पनि ग्राहमको निधनमा कुनै शंकास्पद गतिविधि वा आपराधिक संलग्नताको सम्भावना अस्वीकार गरेका छन्।
.gif)
(1).gif)
ग्राहम अमेरिकी संसद्मा इजरायलका प्रखर समर्थक र इरानविरुद्ध कडा नीति लिनुपर्ने पक्षका प्रभावशाली नेताका रूपमा चिनिन्थे। उनले इरानको ऊर्जा पूर्वाधारमाथि दबाब बढाउनुपर्ने, तेहरानको शासन परिवर्तन गर्नुपर्ने तथा इजरायललाई सैन्य सहयोग जारी राख्नुपर्ने धारणा सार्वजनिक गर्दै आएका थिए।
उनको निधनपछि इजरायली प्रधानमन्त्री नेतान्याहुले इजरायलले आफ्ना सबैभन्दा ठूला समर्थकमध्ये एक गुमाएको बताएका छन्। ग्राहम युक्रेनलाई अमेरिकी सहयोग र रुसविरुद्ध थप प्रतिबन्ध लगाउने अभियानका पनि प्रमुख समर्थक थिए।
ग्राहमको मृत्युलाई लिएर सामाजिक सञ्जालमा विभिन्न आशंका र षड्यन्त्रका दाबी फैलिएका भए पनि त्यस्ता आरोप पुष्टि गर्ने कुनै प्रमाण सार्वजनिक भएको छैन। चिकित्सकीय विवरणले उनको मृत्यु प्राकृतिक स्वास्थ्य समस्याका कारण भएको देखाएको छ।
.png)
.jpg)
.jpg)
(1).jpg)
