(2).gif)
(1).jpg)
काठमाण्डौ । विद्युतीय व्यावसायिक सवारीसाधनको बिक्रीपछिको सेवालाई अझ प्रभावकारी बनाउने उद्देश्यसहित फोटोनले नेपालमा आफ्नो टोटल केयर नेटवर्क विस्तार गरेको छ। कम्पनीले भालुवाङ, बागलुङ, लालबन्दी, चपुर र लहानमा पाँच नयाँ आधिकारिक फोटोन टोटल केयर शिल्ड सर्भिस प्वइन्ट सञ्चालनमा ल्याएको जनाएको छ। यससँगै फोटोनको बिक्रीपछिको सेवा सञ्जाल देशभर २१ भन्दा बढी स्थानमा पुगेको छ।
नयाँ सेवा केन्द्र सञ्चालनमा आएपछि देशका विभिन्न क्षेत्रका ग्राहकले आफ्नै नजिकको स्थानबाट विद्युतीय सवारीसाधनको नियमित मर्मतसम्भार, प्राविधिक परीक्षण, मर्मत सेवा तथा वारेन्टीसम्बन्धी सुविधा सहज रूपमा प्राप्त गर्न सक्ने कम्पनीले जनाएको छ।
फोटोन टोटल केयर शिल्ड सर्भिस प्वइन्टहरूमा विद्युतीय सवारीसाधनका लागि आवश्यक विशेष डायग्नोस्टिक उपकरण, तालिमप्राप्त ईभी प्राविधिक तथा फोटोनका जेन्युइन स्पेयर पार्ट्स उपलब्ध गराइनेछ। यसले ग्राहकलाई छिटो, भरपर्दो र गुणस्तरीय सेवा उपलब्ध गराउन सहयोग पुग्ने कम्पनीको भनाइ छ।
नेपालमा विद्युतीय व्यावसायिक सवारीसाधनको प्रयोग बढ्दै गएको अवस्थामा दक्ष मर्मत तथा प्राविधिक सेवाको पहुँच विस्तारलाई कम्पनीले प्राथमिकतामा राखेको छ। फोटोनले सहरी क्षेत्रसँगै अर्धसहरी तथा क्षेत्रीय बजारमा समेत सेवा केन्द्र विस्तार गर्दै ग्राहकको सञ्चालन लागत घटाउने र सवारीसाधनको दीर्घकालीन विश्वसनीयता कायम राख्ने लक्ष्य लिएको छ।
‘टोटल केयर नेटवर्कमार्फत ग्राहकलाई बिक्रीपछिको सेवामा सहज पहुँच, नियमित मर्मतसम्भार र आवश्यक प्राविधिक सहयोग उपलब्ध गराउने हाम्रो प्रतिबद्धता हो,’ कम्पनीले जनाएको छ।
नयाँ शिल्ड सर्भिस प्वइन्टहरूले एउटै मापदण्डअनुसार सेवा प्रदान गर्नेछन्। नियमित मर्मत, रोकथाममूलक जाँच, छिटो सेवा प्रतिक्रिया र पारदर्शी प्रक्रियामार्फत व्यावसायिक सवारीसाधनलाई निरन्तर सञ्चालनमा राख्न सहयोग पुर्याउने उद्देश्य कम्पनीको रहेको छ।
(1).jpg)
.jpg)
.jpg)
.jpg)
