(2).gif)
.png)
काठमाण्डौ । गणेश नेपाली मृत्यु प्रकरणपछि सुरक्षाको कारण देखाउँदै ड्युटीमा नखटिएका काठमाण्डौ महानगरपालिकाका नगर प्रहरी आजदेखि नियमित सेवामा फर्किएका छन्।
महानगर प्रहरी बलका प्रमुख एवं नगर प्रहरी वरिष्ठ उपरीक्षक (एसएसपी) विष्णुप्रसाद जोशीले महानगर प्रहरीलाई पूर्ण रूपमा परिचालन गरिएको जानकारी दिएका छन्। उनका अनुसार रिजर्भ फोर्सबाहेकका नगर प्रहरीलाई नियमित रूपमा कार्यक्षेत्रमा खटाइएको छ।
गत बिहीबार त्रिपुरेश्वरस्थित राहदानी विभाग अगाडि मोटरसाइकलमा ह्वील लक लगाउने विषयमा विवाद भएपछि गणेश नेपालीले शरीरमा पेट्रोल छर्केर आगो लगाएका थिए। गम्भीर घाइते भएका नेपालीको उपचारका क्रममा मृत्यु भएको थियो।
घटनापछि नगर प्रहरी सडकमा नदेखिँदा महानगर क्षेत्रमा अव्यवस्थित पार्किङ, फुटपाथ व्यापार तथा सहरी व्यवस्थापनसँग सम्बन्धित समस्या बढेको थियो।
.png)
(25).jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।