.gif)
.jpg)
.png)
काठमाण्डौ । रसुवाको भोटेकोशीमा आएको विनाशकारी बाढीपछि मृतकको संख्या १ हजार ३९७ पुगेको छ। मंगलबार बिहान ८ बजेसम्म विभिन्न जिल्लाबाट उक्त संख्यामा शव फेला परेको विवरण सार्वजनिक भएको हो।
प्राप्त तथ्यांकअनुसार रसुवामा १८९, नुवाकोटमा २०२, धादिङमा ७२, चितवनमा ३६४, गोरखामा ७८, तनहुँमा ३८, नवलपरासी पूर्वमा २३२ र नवलपरासी पश्चिममा २२२ जनाको शव फेला परेको छ।
फेला परेका शवको पहिचानका लागि डीएनए नमुना संकलनसहित आवश्यक प्रक्रिया अघि बढाइएको छ। हालसम्म १ हजार २३० वटा शव व्यवस्थापन गरिएको जनाइएको छ।
शव पहिचान प्रक्रियाअन्तर्गत मृतकका १ हजार २८६ र आफन्तका १ हजार ८८९ गरी कुल ३ हजार १७५ वटा डीएनए नमुना संकलन गरिएको छ।
पहिचान हुन नसकेका १ हजार ३५५ शवको विवरण नेपाल प्रहरीको वेबसाइटमा समेत राखिएको छ।
बाढी प्रभावित क्षेत्रमा खोज तथा उद्धार, राहत वितरण, शव व्यवस्थापन र अन्य आवश्यक कार्यका लागि हालसम्म ७ हजार ९७५ प्रहरी कर्मचारी परिचालन गरिएको छ।
यसैबीच, अझै ४ हजार ८९ जना बेपत्ता रहेको र उनीहरूको खोजी कार्य जारी रहेको छ।
बाढीका कारण घरबारविहीन तथा विस्थापित भएका ३ हजार ४४० जनालाई विभिन्न जिल्लामा सञ्चालन गरिएका होल्डिङ सेन्टरमा राखिएको छ।
भोटेकोशी बाढीपछि मृतक र बेपत्ताको संख्या अझै उच्च रहेकाले खोजी, शव पहिचान तथा प्रभावितको व्यवस्थापन सरकार र सुरक्षा निकायका लागि मुख्य चुनौती बनेको छ।
(1).gif)
.gif)
.png)
.png)
.jpg)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।