मिड सोलुको १.१५ लाख कित्ता सेयर बेच्ने तयारीमा हाथवे इन्भेष्टमेन्ट

काठमाण्डौ । हाथवे इन्भेष्टमेन्ट नेपाल लिमिटेडले मिड सोलु हाइड्रोपावरमा रहेको आफ्नो स्वामित्वको सेयर बिक्री गर्ने भएको छ ।  

कम्पनीले मिड सोलु हाइड्रोपावरमा रहेको आफ्नो १ लाख १५ हजार कित्ता सेयर बिक्री गर्ने सूचना जारी गरेको छ ।  

मिड सोलुले नेप्सेलाई पठाएको पत्रअनुसार कम्पनीका आधारभूत सेयरधनीमध्ये हाथ्वे इन्भेष्टमेन्ट नेपाल लिमिटेडले आगामी तीन महिनाभित्र उक्त सेयर बिक्री गर्ने मनसाय देखाएको हो ।  

सोही सूचनामा अर्का आधारभूत सेयरधनी विश्वकान्त गौतमले पनि २५ हजार कित्ता सेयर बिक्री गर्ने मनसाय सार्वजनिक गरेका छन् ।      

यसअनुसार मिड सोलुमा आधारभूत सेयरधनीतर्फबाट कुल १ लाख ४० हजार कित्ता सेयर बिक्रीको मनसाय आएको छ, जसमा सबैभन्दा ठूलो हिस्सा हाथ्वे इन्भेष्टमेन्टकै छ ।

हाथवे इन्भेष्टमेन्टको नाम पछिल्लो समय बजारमा आधारभूत सेयरधनीको बिक्री मनसायसँग जोडिएर चर्चामा आइरहेको छ । 

यसैबीच मिड सोलु हाइड्रोपावरमा पनि ठूलो परिमाणको सेयर बिक्री मनसाय सार्वजनिक भएपछि लगानीकर्ताको चासो बढ्न सक्ने देखिएको छ ।