प्रभु बैंकका सीईओ सुमन शर्माविरुद्ध ठगी मुद्दा दायर

काठमाण्डौ । प्रभु बैंकका प्रमुख कार्यकारी अधिकृत (सीइओ) सुमन शर्मासहित चार जनाविरुद्ध मुद्दा दायर भएको छ ।  

अंजली इन्टरनेशनललाई स्वीकृत भएको कर्जा रकम उपलब्ध नगराएको आरोपमा पर्सा जिल्ला अदालतमा ठगी तथा आपराधिक विश्वासघातसम्बन्धी मुद्दा दायर भएको हो ।  

यसअघि उनी सनराइज बैंकको सीइओ हुँदा ३ करोड ८९ लाख ९४ हजार रुपैयाँ थप कर्जा स्वीकृत भएको र त्यसमध्ये ८९ लाख रुपैयाँ बराबरको धितो बैंकको पक्षमा राखिए पनि रकम प्रवाह नगरिएको दाबी गरिएको छ ।

सरकारी वकिलले ८९ लाख रुपैयाँ बिगो तथा क्षतिपूर्ति भराउन माग गरेको अभियोगपत्रमा उल्लेख छ ।

यो मुद्दाले बैंकिङ निर्णय र फौजदारी दायित्वबीचको सीमाबारे पुनः बहस सुरु गराएको छ । उनी प्रभु बैकमा आएदेखि पनि बैंकको प्रदर्शन राम्रो हुन सकेको छैन । 

प्रभु बैंकसँग जोडिएका विभिन्न प्रकरणमा उनीमाथि यसअघि पनि विभिन्न आरोप तथा प्रश्न उठ्दै आएका छन् ।