सुन हालसम्मकै महङ्गो, एकैदिन प्रतितोला १६ सयले बढ्यो

काठमाण्डौ । नेपाली बजारमा सुनको मूल्य हालसम्मकै महङ्गो भएको छ । सुनको मूल्यमा भईरहेको वृद्धिले आज पनि निरन्तरता पाएको छ । अघिल्लो दिन प्रतितोला १ सय रुपैयाँले बढेको सुनको मूल्य आज पनि बढेको हो ।

नेपाल सुनचाँदी व्यवसायी महासंघका अनुसार आज छापावाला सुनको मूल्य १६ सय रुपैयाँले बढेर प्रतितोला १ लाख ४० हजार रुपैयाँमा कारोबार भईरहेको छ । यो मूल्य हालसम्मकै उच्च हो ।

त्यस्तै, आज तेजावी सुनको मूल्य पनि १६ सय रुपैयाँले बढेर प्रतितोला १ लाख ३९ हजार ३०० रुपैयाँमा कारोबार भईरहेको छ ।