.gif)
.gif)
.png)
काठमाण्डौ । प्रहरी महानिरीक्षक पदबाट हटाइएका दानबहादुर कार्कीले प्रधानमन्त्री वालेन्द्र शाहको विशेष सुरक्षा सल्लाहकारको नियुक्तिपत्र बुझेको खुलेको छ। सरकारले दिएको नयाँ जिम्मेवारीको नियुक्तिपत्र बुझिसकेका कार्कीले महानिरीक्षक पदबाट हटाउने निर्णयविरुद्ध भने सर्वोच्च अदालतमा रिट दायर गरेका छन्।
गृह मन्त्रालयका अनुसार कार्कीले गत कात्तिक १८ गते नै प्रधानमन्त्रीको विशेष सुरक्षा सल्लाहकारको नियुक्तिपत्र बुझेका थिए। तर नियुक्तिपत्र बुझे पनि उनी हालसम्म कार्यालयमा हाजिर भएका छैनन्।
गृह मन्त्रालयका प्रवक्ता आनन्द काफ्लेले कार्कीले नियुक्ति भएकै दिन पत्र बुझेको पुष्टि गरेका छन्। त्यसपछि तिहार र छठ पर्वका कारण लामो बिदा परेकाले उनी कार्यालयमा उपस्थित नभएको मन्त्रालयको भनाइ छ।
प्रधानमन्त्री शाहलाई मुलुकको शान्तिसुरक्षा तथा सुरक्षा व्यवस्थापनसम्बन्धी आवश्यक सल्लाह, सुझाव र परामर्श उपलब्ध गराउने उद्देश्यले मन्त्रिपरिषद्को कात्तिक १८ गतेको बैठकले विशेष सुरक्षा सल्लाहकारको पद सिर्जना गरेको थियो।
सोही बैठकबाट तत्कालीन प्रहरी महानिरीक्षक कार्कीलाई उक्त पदमा नियुक्त गर्ने निर्णय भएको थियो।
उनका लागि सिंहदरबारस्थित प्रधानमन्त्री तथा मन्त्रिपरिषद्को कार्यालयमा कार्यकक्षसमेत स्थापना गरिएको छ।
.gif)
नियुक्तिपत्र बुझे पनि सरकारकै निर्णयविरुद्ध अदालतमा
कार्कीको नियुक्तिसँगै एउटा रोचक परिस्थिति सिर्जना भएको छ। एकातिर उनले सरकारले सिर्जना गरेको विशेष सुरक्षा सल्लाहकारको नियुक्तिपत्र बुझेका छन् भने अर्कोतिर आफूलाई प्रहरी महानिरीक्षकबाट हटाउने निर्णयविरुद्ध कानुनी चुनौती दिएका छन्।
कार्कीले आफूलाई महानिरीक्षक पदबाट हटाउने सरकारी निर्णयविरुद्ध सर्वोच्च अदालतमा रिट दायर गरेका हुन्।
यसरी नयाँ नियुक्ति स्वीकार गरेको संकेत दिने गरी पत्र बुझे पनि पुरानो पदबाट हटाउने निर्णयलाई न्यायिक परीक्षणमा लैजानुले उनको आगामी भूमिकाबारे चासो बढाएको छ।
यद्यपि नियुक्तिपत्र बुझ्नु र महानिरीक्षक पदबाट हटाउने निर्णयको वैधानिकतामाथि प्रश्न उठाउनु फरक विषय हुन्। कार्कीको रिटमा सर्वोच्च अदालतले गर्ने निर्णयले यस विवादको कानुनी निष्कर्ष निर्धारण गर्नेछ।
.gif)
.gif)
.png)
.gif)
(2).jpeg)
.jpg)
.gif)
(1).gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।