(2).gif)
.png)
काठमाण्डौ । अरुण तेस्रो जलविद्युत् आयोजनाको मुख्य सुरुङको ब्रेक थ्रु आज हुने भएको छ । आज प्रधानमन्त्री पुष्पकमल दाहालले संखुवासभा जिल्लामा निर्माणाधीन ९ सय मेगावाट क्षमताको अरुण तेस्रो जलविद्युत् आयोजनाको मुख्य सुरुङको ब्रेक थ्रु गर्न लागेका हुन् ।
अरुण तेस्रो जलविद्युत् आयोजनाको मुख्य सुरुङ मकालु– ५ फ्याक्सिन्दाको आमराङदेखि चिचिला गाउँपालिका– ३ दिदिङ पुखुवाको पावरहाउसमा निस्कने ११.८३७ किलोमिटर लामो सुरुङको ब्रेक थ्रु गरिन लागेको हो ।
करिब ७० प्रतिशत काम सम्पन्न भएको यो आयोजनाको ब्रेक थ्रु प्रधानमन्त्री दाहालले एक समारोहबीच गर्नेछन् । साथै प्रधानमन्त्रीले अरुण तेस्रोको ड्यामसाइट र पावारहाउसको अनुगमन समेत गर्ने कार्यक्रम रहेको छ ।
यो आयोजनाको निर्माण कार्य अबको एक वर्षमा सम्पन्न हुने लक्ष्य लिइएको छ । यो परियोजना अनुमानित लागत करिब १ खर्ब ४ अर्ब रहेको छ ।
.png)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।