.gif)
_(1).gif)
.png)
काठमाण्डौ । प्रधानमन्त्री पुष्पकमल दाहाल आफ्ना भारतीय समकक्षी नरेन्द्र मोदीको शपथग्रहण समारोहमा सहभागी हुन आज भारत जाने भएका छन् । प्रधानमन्त्री दाहाल आज ५ सदस्यीय प्रतिनिधिमण्डलको नेतृत्व गर्दै दिल्लीमा हुने प्रधानमन्त्री मोदीको शपथग्रहण समारोहमा सहभागी हुन भारत जान लागेका हुन् ।
प्रधानमन्त्री दाहालसँग उनकी सुपुत्री गङ्गा दाहाल, कानून, न्याय तथा संसदीय व्यवस्थामन्त्री पदम गिरी, परराष्ट्र सचिव सेवा लम्साललगायत उच्चपदस्थ सरकारी कर्मचारी भारत प्रस्थान गर्नेछन् । हालै सम्पन्न लोकसभा निर्वाचनमा सत्तारुढ दलको गठबन्धन एनडीएले बहुमतल्याएपछि नरेन्द्र मोदी तेस्रोपटक भारतको प्रधानमन्त्री बन्न लागेका हुन् ।
आज साझ हुन लागेको मोदीको प्रधानमन्त्रीको शपथग्रहण समारोहमा छिमेकी राष्ट्रसहित अन्य देशको प्रमुख तथा विशिष्ठ व्यक्तिहरु सहभागी हुँदैछन् ।
(1).gif)
मोदीले शपथ लिएपछि प्रधानमन्त्री दाहाल र मोदीबीच आज साँझ नै भेटवार्ता गर्ने कार्यक्रम तय भएको छ । शपथग्रहण समारोहमा सहभागी भएर प्रधानमन्त्री दाहाल भोलि स्वदेश फर्कने कार्यक्रम छ ।
.gif)
.png)
.jpg)
.jpg)
.jpg)
(1).gif)
.gif)
