(1).gif)
(1).gif)
.gif)
.jpg)
.png)
काठमाण्डौ । राजीनामा नदिने हठ लिएर बसेका प्रधानमन्त्री पुष्पकमल दाहालले यही असार २८ गते विश्वासको मत लिने भएका छन् ।
प्रधानमन्त्रीको यो कदमसँगै नेकपा एमालेका अध्यक्ष केपी शर्मा ओली प्रधानमन्त्री बन्ने सम्भावनामाथि प्रश्न उठेको छ ।
.gif)
आफू नेतृत्वको गठबन्धन सरकारको प्रमुख घटक नेकपा एमालेले नेपाली कांग्रेससँग मिलेर सरकार बनाउने निर्णय गरेपछि प्रचण्डले संसद फेस गर्न लागेका हुन् । उनलाई नेपाली कांग्रेस र एमालेले औपचारिक रुपमै राजीनामा दिएर मार्गप्रशस्त गर्न आग्रह गरेका थिए ।
तर राजीनामा दिएर अगाडि बढ्दा केपी शर्मा ओली प्रधानमन्त्रीमा नियुक्त हुने अवस्था देखेपछि उनलाई रोक्ने योजनाअनुसार प्रचण्डले संसदमा विश्वासको मत लिने निर्णय गरेका हुन् ।
प्रधानमन्त्री नियुक्तिसम्बन्धी संवैधानिक व्यवस्थाअनुसार प्रधानमन्त्रीले अविश्वासको मत पाएको अवस्थामा राष्टपतिले संसदको सबैभन्दा ठूलो दलका नेताको नेतृत्वमा सरकार गठनको आह्वान गर्नसक्ने प्रावधान छ । यही बाटोमा मुलुकलाई हिँडाउन अल्पमतमा परिसकेपछि प्रचण्डले अन्तिम कार्ड प्रयोग गर्न चाहेका हुन् ।
कांग्रेससँग सहमति गरेपछि एमालेले सरकारलाई दिएको समर्थन फिर्ता लिई आफ्ना मन्त्रीहरुलाई समेत राजीनामा गर्न लगाइसकेको छ । समर्थन दिएको कुनै दलले समर्थन फिर्ता लिएको ३० दिनभित्रमा प्रधानमन्त्रीले पुनः विश्वासको मत लिनुपर्ने संवैधानिक व्यवस्था छ । यही व्यवस्थाअनुसार प्रचण्डले असार २८ गते विश्वासको मत लिन लागेका हुन् ।
(1).gif)
(1).gif)
(2).gif)
.png)
.gif)
.jpg)
.jpg)
.jpg)
(1).gif)
