.gif)
_(1).gif)
(21).jpg)
.png)
काठमाण्डौ । नेपाल स्टक एक्सचेञ्ज (नेप्से)मा १२ वटा समूहका कम्पनी र म्युचुअल फण्डहरु सूचीकृत छन् । नेपाल राष्ट्र बैंकका अनुसार गत आर्थिक वर्षको ११ महिनासम्ममा नेप्सेमा सूचीकृत कम्पनीको संख्या २७० पुगेको छ ।
राष्ट्र बैंकको गत आवको ११ महिनासम्मको तथ्याङ्कअनुसार नेप्सेमा होटल तथा पर्यटन समूह र जीवन बीमा समूहको कारोबार ह्वात्तै बृद्धि भएको छ । अघिल्लो आवको तुलनामा गत आवमा यी दुई समूहको कारोबार बृद्धि उच्च देखिएको छ ।
होटल तथा पर्यटन समूह १६५।६१ प्रतिशतले बृद्धि भएको छ भने जीवन बीमा समूह १६३.७० प्रतिशतले बृद्धि भएको छ । समग्रमा सबै समूहका कम्पनीहरुको कारोबार अघिल्लो आवको तुलनामा गत आवमा ५८.४० प्रतिशतले बृद्धि भएको छ ।
नेप्सेमा सूचीकृत कम्पनीको संख्या थपिंदा कारोबार रकम बढ्नु स्वभाविक हो । यता नेप्सेमा धितोपत्र बजार पुँजीकरण हिस्सा समेत बढेको छ । अघिल्लो आवको जेठ मसान्तसम्म २९ खर्ब ८६ अर्ब २० करोड रुपैयाँ रहेको धितोपत्र बजार पुँजीकरण गत आवको जेठ मसान्तसम्म बृद्धि भई ३३ खर्ब ४९ अर्ब ४८ करोड पुगेको छ ।
जेठ मसान्तसम्म नेप्सेमा रहेका सबै समूहको कारोबार अघिल्लो आवको तुलनामा बृद्धि भएको छ । होटल तथा पर्यटन समूह र जीवन बीमा समूह भने शतप्रतिशतभन्दा बढीले बढेको छ । होटल तथा पर्यटन समूहअन्तर्गत ६ वटा कम्पनी सूचीकृत छन् भने जीवन बीमा समूहमा १२ वटा कम्पनी सूचीकृत छन् ।
गत आर्थिक वर्षमा सेयरबजारमा ‘लो क्याप’ भएका कम्पनीहरु चल्दा होटल तथा पर्यटन समूहका कम्पनीहरुको कारोबार बृद्धि देखिएको हो । गत आवमा केही समयसम्म होटल कम्पनीहरु चम्किएका थिए । केही लगानीकर्ताहरुले सोल्टी होटल, सिटि होटल जस्ता कम्पनीहरु चलाउँदा यो समूहको कारोबार बृद्धि देखिएको हो ।
(1).gif)
अघिल्लो आवको अन्तिमतिर नेप्सेमा सूचीकृत भएको सिटि होटलको गत आवमा कारोबार ह्वात्तै बृद्धि भएको थियो । कम्पनीको कुल १ करोड ६७ लाख कित्ता सेयर नेप्सेमा सूचीकृत भएको थियो । कित्ता संख्या धेरै भएका कारण नेप्सेमा सर्वाधिक कारोबार हुने टप १० कम्पनीको सूचीमा सिटि होटल पर्ने गरेको थियो ।
गत आवको डिसेम्बर बीचतिर होटल तथा पर्यटन उपसूचक ६०८८.४४ विन्दुसम्म पुगेको थियो । प्राय सबै होटल तथा पर्यटन समूहको सेयरभाउ बढ्दा उक्त समय होटल तथा पर्यटन समूह चलेको थियो । यसकारण पनि अघिल्लो आवको तुलनामा गत आवमा यो समूहको कारोबार रकम बृद्धि ह्वात्तै बढेको देखिएको हो ।
यो समूहका गत आवको ११ महिनासम्ममा २० अर्ब ३३ करोड ८२ लाख रुपैयाँ बराबरको सेयर कारोबार भएको छ । अघिल्लो आवको ११ महिनासम्ममा यो समूहबाट जम्मा ७ अर्ब ६५ करोड ७१ लाख रुपैयाँ बराबरको सेयर कारोबार भएको थियो ।
साथै जीवन बीमा समूहको कारोबार पनि १६३.७० प्रतिशतले बृद्धि देखिएको छ । यो समूहको कारोबार रकम बढ्नुको मुख्य कारण भने कम्पनी संख्या बढ्नु हो । अघिल्लो आवमा जीवन बीमा समूहका सूचीकृत कम्पनीको संख्या ८ थियो भने गत आवमा १२ पुगेको छ ।
प्रिमियम मूल्यमा आईपीओ जारी गरेका ४ वटा जीवन बीमा कम्पनी नेप्सेमा सूचीकृत भएपश्चात् यो समूहको कारोबार रकम ह्वात्तै बढेको हो । आइएमई लाइफ, सिटिजन लाइफ, रिलायबल नेपाल लाइफ र सन नेपाल लाइफले प्रिमियममा आइपीओ जारी गरेका कारण पनि दोस्रो बजारमा यी कम्पनीहरुको निकै चर्चा थियो र छ पनि । नेप्सेमा सूचीकृतपश्चात् यी कम्पनीहरुको सेयर सर्वाधिक कारोबारमा थियो । साथै गत आवमै प्रिमियमा आईपीओ जारी गरेका कारण आईपीओ निष्कासन गर्दा थप हुन आएको प्रिमियम रकमबाट बोनस बाँड्न पाउने हल्लाले पनि सो कम्पनीहरुको कारोबार सर्वाधिक हुने गरेको थियो ।
एक त प्रिमियम मूल्यमा आईपीओ ल्याउनु र थप प्रिमियमबाट बोनस बाँड्न पाउने वा नपाउने हल्लाले यी कम्पनीहरुको कारोबार झनै बढेको थियो । जसकारण अघिल्लो आवको तुलनामा गत आवमा कारोबार बढ्न पुगेको हो ।
अघिल्लो आवको जेठ मसान्तसम्म यो समूहको १९ अर्ब ९२ करोड रुपैयाँ बराबरको कारोबार भएकोमा गत आवको जेड मसान्तसम्म ५२ अर्ब ५३ करोड रुपैयाँ बराबरको सेयर कारोबार भएको छ ।
.gif)
.png)
.jpg)
.jpg)
.jpg)
.gif)
.gif)
