.gif)
(2).gif)
.jpg)
_(1).gif)
.png)
काठमाण्डौ । अमेरिकी ईभी कार निर्माता कम्पनी टेस्लाको सेयरमूल्यमा व्यापक गिरावट आएको छ । अमेरिकी धनाढ्य एलन मस्कको कम्पनी टेस्लाको मुनाफामा चालु आवको दोस्रो त्रैमाससम्ममा ४० प्रतिशतभन्दा बढीको गिरावट आएको हो ।
स्थापित अटो निर्माताहरुसँगको बढ्दो प्रतिस्पर्धा र विश्भर ईभी गाडीको बिक्रीमा आईरहेको सुस्तताका कारण टेस्लाले यति धेरै नाफा गुमाउनु परेको हो । टेस्लाले अमेरिका र अमेरिका बाहिर अन्य ईभी निर्मातासँग तीव्र प्रतिस्पर्धाको सामना गर्नु परिरहेको छ । यसका साथै ग्राहकहरुको ईभीप्रतिको अभिरुचि समेत कम भएको छ । जसको प्रत्यक्ष प्रभाव कम्पनीको व्यवसायमा परेको छ ।
टेस्लाले दोस्रो त्रैमासमा १.८ बिलियन डलरबराबरको आम्दानी गरेको छ । कम्पनीको प्रतिसेयर आम्दानी ५२ सेन्ट रहेको छ । कम्पनीले गत आवको सोही अवधिमा भने ९१ सेन्टबराबरको प्रतिसेयर आम्दानी गरेको थियो ।
कम्पनीले आफ्ना ईभी गाडीहरुमा गरेको मूल्य कटौतीका कारण समेत नाफा र आम्दानी घटेको छ । यस्तै कम्पनीको खर्च समेत निरन्तर रुपमा वृद्धि भईरहेको छ । स्वचालित कार बनाउने एलन मस्कको योजना अनुरुप कम्पनीले एआई पूर्वाधार विकासका लागि लगानी बढाएकाले कम्पनीको खर्चमा वृद्धि भएको छ ।
मंगलबार कम्पनीको सेयरमूल्य ८ प्रतिशतले घटेको छ । यो वर्ष कम्पनीको सेयरमूल्य १ प्रतिशतले खस्किएको छ ।
.gif)
.png)
.png)
.jpg)
(1).gif)
