(1).gif)
(2).gif)
.png)
काठमाण्डौ । उत्तर कोरियाले फोहोर भरेर उडाएको ब्यालुन दक्षिण कोरियाका राष्ट्रपतिको कार्यालय परिसरमा झरेको छ ।
उत्तर कोरियाबाट उडेर आएको ब्यालुन बुधबार बिहान योङसाङमा रहेको राष्ट्रपतिको कार्यालय परिसरमा र अर्को ब्यालुन राष्ट्रिय सुरक्षा मन्त्रालयमा खसेको दक्षिण कोरियाली राष्ट्रपति सुरक्षा निकायले जनाएको छ ।
.gif)
सुरक्षा निकायले आफ्नो केमिकल, बायोलोजिकल र रेडियोलोजिकल रेस्पोन्स टिमले गरेको प्रारम्भिक जाँचका क्रममा उत्तर कोरियाबाट आएको फोहोरमा मानव स्वास्थ्यलाई असर गर्ने तत्व नभेटिएको र सबै फोहोरलाई जम्मा गरिएको जनाएको छ । ब्ल्यालुनभित्र कागज र प्लास्टिकका टुक्राहरु रहेको जनाइएको छ ।
राष्ट्रपति सुरक्षा निकायले राष्ट्रपति भवनतर्फ आउने ब्यालुनको निरन्तर निगरानी गरिरहेको जनाएको छ । यससँगै उत्तर कोरियाले यो वर्षमात्रै १० पटक दक्षिण कोरियामा फोहोरले भरिएको ब्यालुन पठाएको छ । यसअघि पनि गत जुन ९ मा राष्ट्रपतिको कार्यालय नजिकै फोहोरले भरिएको ब्यालुन खसेको थियो ।
.png)
.jpg)
.jpg)
.jpg)
