आजसम्म सेयर किन्नेले एनएलजी इन्स्योरेन्सको लाभांश प्राप्त गर्ने

काठमाण्डौ । एनएलजी इन्स्योरेन्स कम्पनी लिमिटेडको लाभांश सुरक्षित गर्ने आज अन्तिम दिन रहेको छ ।

कम्पनीले लाभांश वितर्ण तथा साधारण सभा प्रयोजनका लागि माघ २५ गते बुक क्लोज गर्ने निर्णय गरेकाले आजसम्म नेप्सेमा कारोबार भई कायम भएका सेयरधनीहरुमात्रै कम्पनीको लाभांश प्राप्त गर्न र सभामा सहभागी हुन योग्य हुनेछन् ।

कम्पनीले गत आर्थिक वर्षका लागि ५.५० प्रतिशत बोनस सेयर र ०.२८५ नगद लाभांश(कर प्रयोजनका लागि) वितरणको घोषणा गरेको छ ।

उक्त लाभांश कम्पनीको आगामी फागुन ३ गते आयोजना हुने सभाबाट पारित भएपछि सेयरधनीहरुलाई वितरण गरिनेछ ।