.gif)
_(1).gif)
.jpg)
.png)
काठमाण्डौ । अलटाइम हाईलाई ब्रेक गर्ने दिशातर्फ अगाडि बढेको बजारमा आज फेरि केही नयाँ रेकर्डहरु बनेका छन् ।
नेप्से परिसूचकले ३ वर्षपछि ३००० माथिको यात्रा तय गर्दा साताको अन्तिम कारोबार दिन बिहीबार करिब ३० अर्बको सेयर कारोबार भएको छ ।
नेप्सेमा आज ३३४ कम्पनीका ६ करोड ८९ लाख ८० हजार ३४६ कित्ता सेयर ३ लाख ११ हजार ५३६ वटा कारोबारमार्फत किनबेच भएको हो ।
.gif)
यो दिन एकैदिन सबैभन्दा बढी सेयर कारोबार, सबैभन्दा धेरै कित्ता कारोबार भएको र सबैभन्दा धेरै कारोबार भएको लगायत तीनवटा रेकर्ड बनेको हो ।
नेप्सेमा एकैदिन सेयर कारोबार २९ अर्ब ९५ करोड ८५ लाखमाथि भएको यो नै पहिलोपटक हो । दुई दिनअघि नेप्सेमा २७ अर्ब हाराहारीमा कारोबार भएको थियो ।
बजारमा पछिल्लो समय लगानी थपिने क्रम बढ्दो छ । नेप्से परिसूचक ४३.०५ अंकले बढेर ३०००.८१ को विन्दूमा पुगेको दिन पनि नयाँ लगानी भित्रिएको हो । बिक्री गर्नेभन्दा किन्नेहरु बढी भएपछि नेप्से परिसूचकसँगै कारोबारमा पनि उछाल देखिएको छ ।
यो दिन १०६ कम्पनीको सेयरमूल्य बढेको छ भने १३६ कम्पनीको सेयरमूल्य घटेको छ । एउटाको मूल्य भने स्थिर देखिएको छ ।
यो दिन सेयर बजारमा सबैभन्दा बढी हिस्सा ओगट्ने बैंकिंग समूहको उपसूचक ५.६५ प्रतिशतले बढेको छ । यसले समेत कमाउने कम्पनीको तुलनामा गुमाउने बढी हुँदा पनि बजार परिसूचक र कारोबार बढेको देखिएको हो ।
इन्भेष्टमेन्ट र म्युचुअल फण्ड समूहको उपसूचक क्रमशः २.६९ र २.२८ प्रतिशत बढेको यो दिन विकास बैंक समूहमा १.२८ प्रतिशतको बढोत्तरी देखिएको छ ।
अरुबेला चम्किने गरेको फाइनान्स समूह चाहि यो दिन सबैभन्दा बढी ३.०५ प्रतिशतले घटेको छ । साताको अन्तिम कारोबार दिन भएकोले फाइनान्समा प्रफिट बुकको लहर चल्दा यस्तो अवस्था देखिएको हो ।
.png)
.jpg)
.gif)
.gif)
.gif)
