.gif)
(2).gif)
.jpg)
_(1).gif)
.png)
काठमाण्डौ । रियल टाइम ग्रस सेटलमेन्ट सिस्टम (आरटीजीएस) प्रणालीबाट असार महिनामा ६४ खर्ब बढीको भुक्तानी भएको छ । नेपाल राष्ट्र बैंकले सार्वजनिक गरेको मासिक भुक्तानी प्रणाली सूचक अनुसार असार महिनामाआरटीजीएस)मार्फत ६४ खर्ब ५१ अर्ब १६ करोड १० लाख रुपैयाँबराबरको भुक्तानी कारोबार भएको हो ।
यो रकम अघिल्लो वर्षको सोही अवधिको तुलनामा ११६.१९ प्रतिशतले बढी हो । अघिल्लो वर्षको असारमा आरटीजीएस प्रणालीमार्फत २९ खर्ब ८३ अर्ब ९३ करोड रुपैयाँबराबरको भुक्तानी कारोबार भएको थियो । हाल आरटीजीएसमा ४४ वटा बैंक तथा वित्तीय संस्था सहभागी छन् ।
यस्तै असारमा एटीएमबाट ९१ अर्ब २६ करोड रुपैयाँ नगद निकालिएको छ । जुन अघिल्लो आवको असार महिनाको तुलनामा ४.९४ प्रतिशतले बढी हो । कनेक्ट आईपीएसबाट हुने कारोबार समेत ३३.७३ प्रतिशतले बढेको छ । असार महिनामा कनेक्ट आईपीएबाट ६ खर्ब ६६ अर्ब रुपैयाँबराबरको कारोबार भएको छ । २०८० असार महिनामा कनेक्ट आईपीएसमार्फत ४ खर्ब ९८ अबए रुपैयाँबराबरको कारोबार भएको थियो ।
यस्तै असारमा २ करोड ४६ लाख मोबाइल बैंकिङ प्रयोगकर्ताबाट ३ खर्ब ७३ अर्ब ९७ करोड ८० लाख रुपैयाँ भुक्तानी कारोबार भएको छ । अघिल्लो वर्ष मोबाइल बैंकिङमार्फत २ खर्ब ३३ अर्ब ४४ करोड ६० लाख रुपैयाँबराबरको कारोबार भएको थियो । एक वर्षमा थप ३२ लाख ८४ हजार ८५७ मोबाइल बैंकिङ ग्राहक थपिएका छन् ।
यो अवधिमा इन्टरनेट बैंकिङ कारोबार १४.४२ प्रतिशतले बढेको छ । इन्टरनेट बैंकिङ प्रयोगमार्फत १७ अर्ब ७३ करोड ८० लाख रुपैयाँ बराबरको भुक्तानी भएको छ ।
.gif)
.png)
(59)(2)(269).png)
(59)(2)(268).png)
(52).jpg)
(59)(2)(267).png)
(1).gif)
