सुनको मूल्य एकैदिन झण्डै १६ डलरले घट्यो, कति पुग्यो भाउ ?

काठमाण्डौ । अन्तराष्ट्रिय बजारमा सुनको मूल्यमा गिरावट आएको छ । अन्तराष्ट्रिय बजारमा सुनको मूल्य ०.६३ प्रतिशत अर्थात १५.९८ डलरले घटेको छ ।

यो गिरावटसँगै अन्तराष्ट्रिय बजारमा सुनको मूल्य प्रतिऔंस २ हजार ५०३.३४ डलरमा कारोबार भईरहेको छ ।

सुनसँगै चाँदीको मूल्य पनि घटेको छ । चाँदीको मूल्य ०.५२ डलरले घटेर प्रतिऔंस २८.८६ डलर कायम भएको छ ।

गत अगस्ट २० मा हालसम्मर्कै उच्च अर्थात २ हजार ५३१ डलर पुगेको थियो । यो महिना मात्रै सुनको मूल्य २ प्रतिशतले बढिसकेको छ । डलर बलियो बन्दा र अमेरिकाको उपभोक्ता खर्च सूचक ०.२ प्रतिशतले बढेसँगै सुनको मूल्य घट्न पुगेको छ ।