निरन्तर उकालो लाग्दै सुनको मूल्य, आज पनि १४ डलरले वृद्धि

काठमाण्डौ । अन्तराष्ट्रिय बजारमा सुनको मूल्य बढ्ने क्रम आज पनि जारी रहेको छ । आज सुनको मूल्य ०.५५ प्रतिशत अर्थात प्रतिऔंस १४.७३ डलरले बढेको छ ।  

यो वृद्धिसँगै अन्तराष्ट्रिय बजारमा सुनको मूल्य प्रतिऔंस २ हजार ६७१ डलर पुगेको छ ।  

पछिल्लो कारोबारमा सुनको मूल्य १।३७ प्रतिशत अर्थात ३५।९८ डलरले बढेको छ । यो वृद्धिसँगै सुनको मूल्य प्रतिऔंस २ हजार ६६२ डलर कायम भएको छ ।  

अमेरिकी केन्द्रीय बैंकले गरेको ब्याजदर कटौती र हाल पश्चिम एशियामा उत्पन्न तनावका कारण सुनको मूल्य निरन्तर उकालो लागिरहेको छ ।  

आज चाँदीको मूल्य पनि ०.०७ डलरले बढेर प्रतिऔंस ३१.९१ डलर कायम भएको छ ।