मध्य–पूर्वमा युद्धको खतराले ह्वात्तै बढ्यो सुनको मूल्य, प्रतिऔंस कति पुग्यो भाउ ?

काठमाण्डौ । अन्तराष्ट्रिय बजारमा आज सुनको मूल्य बढेको छ । आज सुनको मूल्य १ प्रतिशत अर्थात प्रतिऔंस २६ डलरले बढेको छ ।  

यो वृद्धिसँगै अन्तर्राष्ट्रिय बजारमा सुनको मूल्य प्रतिऔंस २ हजार ६६१ डलर कायम भएको छ ।  

मध्य–पूर्व एशियामा युद्धको खतरा मडारिएसँगै अन्तराष्ट्रिय बजारमा आज सुनको मूल्य ह्वात्तै बढेको छ । इरानले इजरायलमाथि ब्यालेस्टिक मिसायल प्रहार गरेको छ । यसले निम्त्याएको अनिश्चिनताका कारण लगानीकर्ताले सुनमा लगानी बढाएका छन् । पहेँलो धालु सुनलाई आर्थिक र राजनीतिक अस्थिरताका बेला सुरक्षित लगानीको रुपमा लिइन्छ ।  

सुनको मूल्य सँगै आज चाँदीको मूल्य पनि बढेको छ । अन्तर्राष्ट्रिय बजारमा चाँदीको मूल्य ०.६७ प्रतिशत अर्थात प्रतिऔंस ०.२२ डलरले बढेको छ । यससँगै चाँदीको मूल्य प्रतिऔंस ३१.४४ डलर कायम भएको छ ।