महालक्ष्मी विकास बैंक बन्यो पहिलो भिसा थ्रिडी सेक्यूर्ड कार्ड प्रदान गर्ने विकास बैंक

काठमाण्डौ । महालक्ष्मी विकास बैंक भिसा थ्रिडी सेक्यूर्ड कार्ड प्रदान गर्ने पहिलो विकास बैंक बनेको छ ।  

ग्राहकहरुलाई अत्याधुनिक, सुरक्षित तथा सहज डिजिटल बैंकिङ सुविधा उपलब्ध गराउने नीतिबमोजिम डलर तथा एनपीआर कार्डहरु मार्फत हुने अनलाइन कारोबारलाई थप सुरक्षित बनाउन भिसा थ्रिडी सुविधा थप गरेको हो । यससँगै नेपालमा यस्तो सुविधा प्रदान गर्नेमा विकास बैंकहरु मध्ये महालक्ष्मी विकास बैंक पहिलो बैंक बनेको छ ।  

यस सुविधा थप गरेसँगै ग्राहकहरुले गर्ने अनलाइन कारोबारको सुरक्षा तहमा थप वृद्धि हुने र यसले गर्दा ग्राहकहरुको आफ्नो कार्डको विवरण अनाधिकृत रुपबाट प्रयोग हुनबाट जोगिने बैंकले जनाएको छ । 

यो सेवाले प्रत्येक कारोबार समेत प्रमाणीकरण हुनेछ । यस प्रक्रियाअन्तर्गत ग्राहकहरुले डेबिट कार्ड तथा क्रेडिट कार्ड प्रयोग गरी अनलाईन कारोबार गर्दा प्रत्येक कारोबारलाई प्रमाणीकरण गर्नको निमित्त इमेल वा म्यासेज मार्फत एक पटक मात्र प्रयोग हुने पासवर्ड (ओटीपी) प्राप्त गर्नेछन् र सो पासवर्ड प्रविष्ट गरेपछि मात्र कारोबार सम्पन्न हुनेछ । यो सुविधा सुचारु भएसँगै महालक्ष्मी विकास बैंकको ग्राहकहरुलाई सुरक्षित र अत्याधुनिक डिजिटल सुविधाहरु उपलब्ध गराउने नीतिको सफल कार्यान्वयनहुने विश्वास समेत बैंकले लिएको छ ।

थ्रिडी सुविधा थप गर्दा मुख्यतया निम्न फाइदाहरु हुनेछः

–यस प्रविधिको प्रयोगबाट अनलाइन कारोबारलाई थप प्रमाणीकरणको आवश्यक पर्ने भएकोले ग्राहकहरु अनलाइनमार्फत हुने ठगीबाट बच्न सक्नेछ्न ।  

–ग्राहकहरुको वित्तीयजानकारी सुरक्षितहुने साथै अनाधिकृत पँहुचबाट सुरक्षितहुने भएकोले ढुक्कसँग कारोबार गर्न सक्नेछन् ।  

–रियल टाइममा नै कारोबारको प्रमाणीकरण हुनेछ ।

–विश्वभर रहेकाहजारौँइ­कमर्श वेभसाइटहरुले भिसा ३डी सुरक्षित रहेका डेबिट तथाक्रेडिट कार्डहरु सजिलै स्वीकार गर्ने भएकोले ग्राहकहरुले जुनसुकै ठाँउबाट तथाजुनसुकै सयममापनिकिनमेल गर्न सक्नेछ्न ।