सुनको मूल्यमा पहिरो, एकैदिन प्रतिऔंस ८२ डलरले घट्यो

काठमाण्डौ । अन्तराष्ट्रिय बजारमा आज सुनमा पहिरो आएको छ । आजको कारोबारमा सुनको मूल्य ३ प्रतिशत अर्थात ८२.१३ डलरले घटेको छ । यो गिरावटसँगै सुनको मूल्य प्रतिऔंस २ हजार ६५८ डलरमा कारोबार भईरहेको छ । 

अमेरिकी राष्ट्रपति निर्वाचनमा डानाल्ड ट्रम्प निर्वाचित भएसँगै सुनको मूल्यमा भारी गिरावट आएको हो । अमेरिकी डलरको भाउमा आएको उछालका कारण सुनको बिक्रीमा कमी आउँदा मूल्य प्रभावित बनेको जनाइएको छ ।  

आज चाँदीको मूल्य पनि घटेको छ । चाँदीको मूल्य प्रतिऔंस १.५९ डलरले घटेको छ । आज चाँदीको मूल्य अन्तराष्ट्रिय बजारमा प्रतिऔंस ३१.०५ डलरमा कारोबार भईरहेको छ ।