एनएमबि बैंकले पायो एशिया प्यासिफिक WEPs अन्तर्गतको लैङ्गिक समावेशी कार्यस्थलको अवार्ड

काठमाण्डौ । एनएमबि बैंकले एशिया प्यासिफिक  WEPs अन्तर्गतको लैङ्गिक समावेशी कार्यस्थलको अवार्ड प्राप्त गरेको छ ।  

२०२४ को UN Women एशिया–प्यासिफिक WEPs अवार्डअन्तर्गत लैङ्गिक समावेशी कार्यस्थल कायम गर्ने पहललाई सम्मान गर्दै यो बैंकलाई यो विशेष अवार्ड प्रदान गरिएको हो । यो सम्मान लैङ्गिक समानता र सामाजिक समावेशीकरण प्रवर्दन गर्ने एनएमबि बैंकको पहलहरूको सम्मान स्वरुप प्रदान गरिएको बैंकले जनाएको छ ।  

UN Women र UN Global Compact द्वारा कार्यस्थल, बजार र समुदायहरूमा महिला सशक्तीकरण गर्दै लैङ्गिक समानता प्रवर्द्धनका लागि विश्वव्यापी मापदण्डहरू निर्धारण गरेको छ । एनएमबि बैंकले ती विश्वव्यापी मापदण्डहरू कार्यान्वयन गर्नका लागि बैंकको तर्फबाट सक्दो प्रयास गरेको जनाएको छ । 

ती प्रयासहरुमा She Leads Tomorrow Scholarship, NMB NextGen Banking Leaders Scholarship महिलाको नेतृत्वमा सबै महिला कर्मचारीद्वारा सञ्चालीत शाखाहरू, महिला नेतृत्व विकाशका कार्यक्रमहरू र सामाजिक समावेशीकरणमा केन्द्रित CSR गतिविधिहरू रहेका छन् ।

यस अवार्डले एनएमबि बैंकलाई विश्व बजारमा ध्भ्एक अन्तर्गतको ग्ल् ध्यmभल द्वारा मान्यता प्राप्त पहिलो नेपाली संस्थाको रूपमा उभ्याएको छ । एशिया–प्यासिफिक देशका ६०० भन्दा बढी आवेदक संस्थाहरू मध्यबाट यो विशेष अवार्ड बैंकलाई प्रदान गरेको हो ।  

यस अवार्डले एनएमबिबैंकलाई निरन्तर रुपमा समावेशी र दीगो विकाश गर्ने आफ्नो उद्देश्य प्राप्त गर्दै अघी बढ्न प्रोत्साहन मिलेको बैंकले उल्लेख गरेको छ । एनएमबि बैंकले हाल देशभर २०१ शाखाहरु, १८७ एटीएमहरु र ११ एक्सटेन्सन काउन्टरहरु मार्फत उच्चस्तरीय सेवा प्रदान गर्दै आइरहेको छ  ।