चीनले खरिद सुरु गरेसँगै सुनको मूल्य ह्वात्तै बढ्यो, कति पुग्यो भाउ ?

Gold
मंगलवार, मंसिर २५,२०८१ 09:51:31

काठमाण्डौ । चीनले सुनको खरिद बढाएसँगै अन्तराष्ट्रिय बजारमा सुनको मूल्य उकालो लागेको छ । आजको कारोबारमा सुनको मूल्य प्रतिऔंस १.३३ प्रतिशत अर्थात ३५.१५ डलरले बढेको छ ।

यो समाचार तयार पार्दासम्म सुनको मूल्य प्रतिऔंस २ हजार ६६८ डलरमा कारोबार भईरहेको छ । विगत ६ महिनादेखि सुनको खरिद घटाएको चीनले पुनःखरिद गर्न थालेसँगै र अमेरिकी केन्द्रीय बैंक, फेडरल रिजर्भले आगामी साता ब्याजदर कटौती गर्न सक्ने सभावना बढेसँगै सुनको मूल्य बढेको जनाइएको छ । विश्वको दोस्रो ठूलो अर्थतन्त्र चीनले सुनको खरिद बढाएसँगै विश्वका अन्य केन्द्रीय बैंकहरुले समेत खरिद बढाउने भएकाले सुनको मागमा वृद्धि हुने अपेक्षा गरिएको छ । जस कारण सुनको मूल्य अझै बढ्न सक्ने विज्ञहरुले बताएका छन् ।

सन् २०२३ मा चीन विश्वको सबैभन्दा ठूलो सुन खरिदकर्ता दशेको रुपमा रहेको थियो । तर आफ्नो १८ महिनाको खरिदलाई पूर्णविराम लगाउँदै गत मे महिनादेखि चीनले सुनको खरिद बन्द गरेको थियो ।

यस्तै आज चाँदीको मूल्य पनि बढेको छ । चाँदीको मूल्य ३.३४ प्रतिशत अर्थात १.०३ डलरले बढेको छ । यससँगै चाँदीको मूल्य प्रतिऔंस ३२ डलर पुगेको छ ।