इरानमा ह्वाट्सएप र गूगल प्लेमाथिको प्रतिबन्ध हट्यो

काठमाण्डौ । इरानमा ह्वाट्सएप र गूगल प्लेमाथिको प्रतिबन्ध हटेको छ । इरानी सरकारी मिडियाले यसलाई इन्टरनेटमाथिको प्रतिबन्ध हटाउने पहिलो कदमको रुपमा बताएका छन् ।  

तर अझै पनि अमेरिकामा आधारित सामाजिक सञ्जालहरु जस्तै युट्युब,फेसबुक र ट्विटर(एक्स)माथिको प्रतिबन्ध भने कायमै रहेको छ ।   

इरानी सरकारी सञ्चारमाध्यम आईआरएनएले ह्वाट्सएप र गूगल प्लेमाथिको प्रतिबन्ध हटाउने विषयमा बुहमतले मतदान गरेको जनाएको छ । ‘आज इन्टरनेटमाथिको प्रतिबन्ध हटाउने पहिलो कदम चालिएको छ ।’ आईआरएनएलाई उदुधृत गर्दै इरानका सूचना तथा सञ्चार प्रविधिले बताए ।      

विश्वभरमा इन्टरनेटमाथिको कडा प्रतिबन्ध लगाउने देशमध्ये इरान पनि एक हो । इरानमा सामाजिक सञ्जालहरुलाई सरकारविरुद्ध प्रदर्शन गर्ने माध्यमका रुपमा प्रयोग गरिदै आएको छ ।