मेटाको ठूलो तयारीः रे–बन चस्मा पाइनेछ डिस्प्लेको सुविधा, हुनेछन् अन्य थुप्रै फिचर्स पनि

काठमाण्डौ । फेसबुकको कम्पनी मेटाले स्मार्ट चस्माको बारेमा ठूलो तयारी गरेको छ । मिडिया रिपोर्टका अनुसार कम्पनीले ‘रे बन’सँग मिलेर ‘नेक्स्ट स्मार्ट ग्लासेस’लञ्च गर्ने तयारी गरेको छ । यो चस्मामा डिस्प्लेलाई इन्टिग्रेट गर्न सकिन्छ ।  

यस्तै यसको माध्यमबाट प्रयोगकर्ताले नोटिफिकेशन तथा न्याभिगेसन समेत प्राप्त गर्न सक्नेछन् । रेबन मेटा स्मार्ट ग्लासेस आफ्नो फिचर्स तथा रेकडिङका लागि निनै चर्चित छन् । लामो समयसम्म यसको प्रतिष्पर्धिको रुपमा अन्य प्रडक्ट लञ्च भएको छैन । तथापी सामसुङ र गूगलले यस विषयमा काम गर्न सुरु भने गरेको छ । यी कम्पनीहरुले पनि चाडै नै स्मार्ट चस्मा लञ्च गर्ने योजना बनाएका छन् ।  

यस्तोमा मेटा रे बनले पनि आफ्नो प्रडक्टमा नयाँ फिचर्स ल्याउन लागेको हो । नोटिफिकेशन ,अलर्ट र नेभिगेसन जस्ता फिचर्सका कारण यो स्मार्ट चस्माले स्मार्टफोनको आवश्यकतालाई हटाईदिने जनाइएको छ । यद्यपी अहिले भने यसले फोनसँगै मिलेर काम गरिरहेको छ ।  

मेटाले आगामी वर्ष स्मार्ट चस्माको नयाँ भर्जनलाई लञ्च गर्न सक्ने जनाइएको छ । डिस्प्लेको माध्यमबाट प्रयोगकर्ताले नेभिगेसन डाइरेक्सनका साथै फोन तथा स्मार्ट वाचको नोटिफिकेशन पनि हेर्न सक्नेछन् । यसका अतिरिक्त अन्य थुप्रै फाइदाहरु पनि प्राप्त हुन सक्नेछन् । पुरानो मोडलको तुलनामा नयाँ प्रडक्ट मा कयौं अपडेटहरु समेत देख्न सकिनेछ ।  

अहिले रे बन मेटा स्मार्ट चस्मामा प्रयोगकर्ताले भ्वाइस असिस्टेन्टको सुविधा पाइरहेका छन् । यसको सहयोगबाट प्रयोगकर्ताले म्यासेज पठाउन सक्छन्, कल गर्न सक्छन् र अलग–अलग कन्ट्रो्ल लिन सक्छन् ।