(1).gif)
(2).gif)
.png)
काठमाण्डौ । पछिल्लो दुई महिना यतादेखि आईफोन १७ एयरको निकै चर्चा भईरहेको छ । यो वर्ष एप्पलले एउटा विशेष आईफोन मोडल लञ्च गर्ने तयारी गरिरहेको खबर बाहिरिएको छ । यो फोनको नाम ‘आईफोन १७ एयर’ हुने जनाइएको छ ।
यो फोनलाई लिएर बजारमा थुप्रै खाले दाबीहरु प्रस्तुत गरिएका छन् । रिपोर्टका अनुसार यो फोन अहिलेसम्मकै सबैभन्दा धेरै पातलो र हल्का हुनेछ । वर्तमानको आईफोन १६ प्रो को तुलनामा आईफोन १७ एयर २ एमएम पातलो हुनेछ । यसको मोटाई ६.२५५ एमएम हुने जनाइएको छ ।
अहिले सम्मको सबैभन्दा पातलो आईफोन सिरिजमा आईफोन सिक्स रहेको छ । जसको मोटाई ६.९ एमएम थियो ।
.gif)
डिजाइनको कुरा गर्दा यो स्टेनलेस स्टिल वा टाइटानियमको हुने छैन । कम्पनीले यसको बाहिरी आवरणका लागि आल्मुनियम प्रयोग गर्ने जनाइएको छ ।
यसमा ६.६ इन्चको डिस्प्ले प्रदान गरिने सम्भावना रहेको छ र यसमा ए१९ चिपसेट प्रयोग गरिनेछ । यो फोनको क्यामेरा लोकेशन पनि परिवर्तन हुनेछ । रिपोर्टका अनुसार आईफोन १७ एयरको रियर टप सेन्टरमा क्यामेरा मोड्युल हुनेछ । तर यसमा केवल एउटा मात्रै क्यामेरा हुनेछ । यसमा पिक्सेल ८ प्रो को क्यामेरा मोडल हुने जनाइएको छ ।
यसमा प्रयोग हुने एन्टिरिफ्लेक्टिभ कोटिङका कारण यो फोन स्क्रायच रेसिस्टेन्ट हुनेछ । यसका साथै यसमा ओएलईडी डिस्प्ले पनि दिइनेछ । र कम्पनीले पहिलोपटक नन प्रो मोडलमा पनि प्रो मोसन डिस्प्ले प्रयोग गर्नेछ ।
यसमा २४ मेगापिक्सेलको फ्रन्ट क्यामेरा हुनेछ र यसमा ६ एलिमेन्ट लेन्स प्रयोग हुनेछ । एप्पलले हालसम्म १२ पिक्सेलको सेल्फि क्यामेरा दिदै आएको थियो ।
यो फोन पातलो हुने भएकाले यसमा ब्याट्री पनि कम पावरकै प्रयोग हुनेछ । कम्पनीले यो पटक आईफोन १७ प्लसलाई लञ्च नगरेर सिधै आइफोन १७ एयर लञ्च गर्ने सम्भावना रहेको रिपोर्टमा जनाइएको छ । यसको मूल्य प्रि मोडल जत्तिकै हुने अनुमान गरिएको छ । अर्थात यो फोन सस्तो भने हुने छैन ।
.png)
.jpg)
