एप्पलले चार वर्षसम्म अमेरिकामा ५ सय बिलियन डलर लगानी गर्ने, २० हजार रोजगारी सिर्जना हुने अपेक्षा
काठमाण्डौ । आईफोन निर्माता कम्पनी एप्पलले अमेरिकामा आगामी ४ वर्षसम्म ५०० बिलियन डलर खर्च गर्ने योजना बनाएको छ । कम्पनीले यसको सुरुवात टेक्ससमा नयाँ उन्नत उत्पादन कारखाना स्थापना गरेर गर्ने भएको छ । कम्पनीले यो अवधिमा अमेरिकामा २० हजार नयाँ रोजगारी सिर्जना हुने अपेक्षा गरेको छ । जसमा अनुसन्धान, विकास र एआईको क्षेत्रमा अधिकांश रोजगारी सिर्जना हुनेछ ।