लघुवित्त वित्तीय संस्थामा ग्राहक हित संरक्षणसम्बन्धी यस्तो छ व्यवस्था

NEPAL RASTRA BANK
मंगलवार, माघ १५,२०८१ 08:36:34

काठमाण्डौ । नेपाल राष्ट्र बैंकले मिति २०८१ फागुन २३ मा जारी गरेको लघुवित्त वित्तीय संस्था सञ्चालन मार्गदर्शन, २०८१ मा लघुवित्त वित्तीय संस्थाहरूले ग्राहक हित संरक्षणका लागि व्यवस्था गरेको छ ।

जसअन्तर्गत संस्थाले कर्जाको प्रोडक्ट पेपरमा अनिवार्य रूपमा नेपाली भाषा र आवश्यकताअनुसार स्थानीय भाषामा समेत ब्याजदर, सेवा शुल्क, कर्जाको भुक्तानी अवधि कर्जाका सर्तहरू लगायतको सूचना सार्वजनिक जानकारीको लागि सहज रूपमा उपलब्ध गराउनुपर्दछ ।

यस्तै, काबुबाहिरको परिस्थितिले गर्दा ऋण भुक्तानी गर्न समस्यामा परेका ऋणीहरू पहिचान गर्न र त्यस्ता ऋणीहरूको पुनरूत्थान गर्न संस्थाले कार्यविधि तयार गरी वा प्रणालीको विकास गरी सोको कार्यान्वयन गर्नुपर्दछ ।

मार्गदर्शनका अनुसार सम्बन्धित ऋणी तथा सदस्यहरूबाट पूर्ण विवरण भरिएको तमसुक तथा कागजातबाहेक अन्य कुनै पनि खाली कागजातहरूमा हस्ताक्षर गराउनु÷गराई राख्नु हुँदैन ।

यसैगरी, कर्जा प्रवाह गर्दा स्वीकृत कर्जा रकमबाट तोकिएको सेवाशुल्क बाहेक अन्य कुनै पनि प्रकारको रकम कट्टा गरी बचतको रूपमा राख्नु हुँदैन ।