.gif)
(1).gif)
(2).gif)
.jpg)
.gif)
.png)
काठमाण्डौ । देशको बैंकिङ क्षेत्रका बारेमा भईरहेको विभिन्न टिकाटिप्पणीका बीच आज प्रभु बैंकका डेपुटी सीईओ मनोज न्यौपाने र तत्कालिन सेञ्चुरी कमर्सियल बैंकका पूर्व सीईओ तुलसीराम गौतमसहित १० जनालाई पक्राउ परेका छन् । मनोज न्यौपाने पनि तत्कालिन सेञ्चुरी बैंकको सीईओ रहिसकेका व्यक्ति हुन् । सेञ्चुरी बैंक अहिले प्रभु बैंकमा गाभिएको छ ।
उनीहर्रु तत्कालिन सेञ्चुरी कमर्सियल बैंकबाट कर्जा प्रवाह गर्दा चलखेल गरेको आरोपमा पक्राउ परेका हुन् । तत्कालिन सेञ्चुरी कमर्सियल बैंकबाट देउराली सहकारीका सञ्चालक रविन्द्र चौलागाईको कम्पनीहरुलाई २ अर्ब रुपैयाँबराबरको कर्जा प्रवाह गरिएको थियो । रविन्द्र चौलागाई जमानीकर्ता रहेको कर्जा पूजा मार्केटिङ प्रालिको नाममा प्रवाह गरिएको थियो ।
यसका साथै पूजा टे«डिङ एण्ड मार्केटिङ,श्री थ्री ब्रदर्श प्रालि,अन्नपूर्ण डिस्टीलरी,को नाममा समेत कर्जा प्रदान गरिएको थियो । यी कम्पनीहरुको सञ्चालक रविन्द्र चौलागाई र उनकी श्रीमति हुन् । बैंकले कम्पनीहरुको नाममा रहेको जग्गा र मौज्जाद र केहि गाडी धितो राखि ऋण दिएको पाइएको छ । त्यसबेला कम धितो लिई कर्जा प्रवाह गरिएको आरोपमा न्यौपाने र गौतमका साथै बैंकका अन्य कर्मचारी समेत पक्राउ परेका हुन् ।
पक्राउ पर्नेमा दीलिप बराल,दिपेश प्रधान,रमण श्रेष्ठ,राजेश भण्डारी,सबिन श्रेष्ठ,सुनिल बस्नेत,सन्ध्या श्रेष्ठ,सुभाष श्रेष्ठ र अन्पमा श्रेष्ठ रहेका छन् । पक्राउ पर्नेहरुमध्ये मनोज दिलीप,दीपेश,राजेश र रमणबाहेक अन्य सबैले अवकाश लिईसकेका छन् ।
यो घटनाले बैंकिङ क्षेत्रको बेथिती उदांगिएको छ । यसले बैंकका प्रभावशाली पदमा रहेका व्यक्तिले कसरी नाजायज फाइदा उठाएर कर्जा प्रवाह गर्ने गर्छन् भन्ने छताछुल्ल भएको छ । बैंक तथा वित्तीय क्षेत्र खराब कर्जासँग जुधिरहेका बेला यस्ता घटना सार्वजनिक हुनुले थप आशंका उब्जाएको छ ।
(2).gif)
.gif)
.png)
.jpg)
(77).jpg)
.png)
